Музей сучаснага мастацтва (Парыж)

Парыжскі музей сучаснага мастацтва
Парыжскі музей сучаснага мастацтва
	Musée d'Art moderne de la Ville de Paris
	Такійскі палац
Заснаваны	1961
Адкрыты	1961
Месцазнаходжанне	11, avenue du Président Wilson 75116 Paris
Наведвальнікі	289 467 чал. (2019);
Праезд	метро Alma-Marceau і Iéna
	mam.paris.fr (фр.)
	Медыяфайлы на Вікісховішчы

Парыжскі музей сучаснага мастацтва (фр.: Musée d'Art moderne de la Ville de Paris) займае ўсходняе крыло Такійскага палаца. У музеі прадстаўлены больш 8 000 экспанатаў, якія адлюстроўваюць разнастайныя плыні мастацтва XX стагоддзя.

Не блытаць з Французскім Дзяржаўным музеем сучаснага мастацтва, размешчаным у Цэнтры Жоржа Пампіду.

Гісторыя музея

Першапачаткова музей планавалася адчыніць у 1937 годзе ў рамках Міжнароднай Выставы Мастацтваў і Тэхналогіі, што праходзіла ў Парыжы. У 1937 годзе музей не адчыняецца, і мноства работ сучасных мастакоў, набытых Парыжам за час выставы трапляюць у калекцыю музея Малога Палаца. Толькі калі памяшканні Малога Палаца становяцца зусім маленькімі для сабранай калекцыі (асабліва пасля дару доктара Жырардэна (фр.: Dr Girardin) в1953 годзе, адчыняецца новы музей у Такійскім палацы.

Пастаянная калекцыя

Пастаянная калекцыя музея выстаўлена ў храналагічным парадку.

Гістарычны раздзел (1900—1960 гг.)

Тут прадстаўлены экспанаты, сабраныя падчас будаўніцтва Такійскага палаца ў 1937 годзе, а таксама прадметы мастацтва, падораныя доктарам Жырардэнам.

«Мацярынства» Селінджэра (фр.: Shelomo Selinger), прэмія Нэймана 1958 г.

У гістарычным раздзеле прадстаўлены работы фавістаў, кубістаў і пост-кубістаў, арфістаў (у асноўным творы Дэланэ і Лежэ), а таксама сюррэалістаў (карціны Пікабіа, а таксама калекцыя, якая належала Андрэ Брэтону).

Сучасны раздзел (пасля 1960 года)

Раздзел прадстаўляе розныя плыні сучаснага мастацтва, сярод іншых:

Плынь Новага Рэалізму: Арман (фр.: Arman), Сезар, Дэшам (фр.: Gérard Deschamps), Эн (фр.: Raymond Hains), Кляйн, Рэс (фр.: Martial Raysse) і Вілежле (фр.: Jacques Villeglé).
Плынь Флуксус: Бен (фр.: Benjamin Vautier), Дзітман (фр.: Erik Dietman), Фію (фр.: Robert Filliou).
Плынь блізкіх па духу артыстаў (фр.: mouvement d’artistes proches d’esprit): Бродтэрс (фр.: Marcel Broodthaers), Балтанскі, Анэт Месажэ)
Рух Figuration narrative: Куеко (фр.: Henri Cueco), Эро (фр.: Erró), Фраманжэ, Ранкіяк (фр.: Bernard Rancillac), Манары (фр.: Jacques Monory), Шлосер (фр.: Gérard Schlosser), Штампфлі (фр.: Peter Stämpfli).

«Крадзеж стагоддзя»

У ноч на 20 мая 2010 года невядомыя выкралі пяць карцін пэндзля Пікаса, Мацісаа, Мадыльяні, Брака і Лежэ агульным коштам мінімум 100 мільёнаў еўра^[2]^[3].