Плошча Згоды

Плошча Згоды Елісейскія Палі, квартал Мадлен
Агульная інфармацыя
Краіна	Францыя[1][2]
Горад	Елісейскія Палі[d][2] квартал Мадлен[d]
Працягласць	360 м[3]
Шырыня	210 м[3]
Назва ў гонар	Канкордзія
Медыяфайлы на Вікісховішчы

Плошча Згоды (фр. Place de la Concorde) — цэнтральная плошча Парыжа і выдатны помнік горадабудаўніцтва эпохі класіцызму. Другая па велічыні ў Францыі (пасля плошчы des Quinconces у Бардо).

Плошча імя Людовіка XV была разбіта паміж Елісейскімі палямі (з захаду) і садам палаца Цюільры (з усходу) па заказу самога караля яго першым архітэктарам Габрыэлем у 1755 г. Першапачаткова ўяўляла сабой акружаны ровам васьмівугольнік, па вуглах якога стаялі восем алегарычных статуй, якія сімвалізавалі галоўныя гарады Францыі. Пасярэдзіне плошчы ўсталявалі конную статую Людовіка XV працы Бушардона і Пігаль.

З паўночнага боку былі ўзведзены элегантныя будынкі Марскога міністэрства і атэль дэ Крыён. У 1787-90 гг. праз Сену быў перакінуты мост Згоды, які на процілеглым беразе ўпіраецца ў будынак Нацыянальнага сходу (былы Бурбонскі палац).

• Луксорскі абеліск

• На Вікісховішчы ёсць медыяфайлы па тэме Плошча Згоды