Мікалай Трафімавіч Бандарчук

Мікалай Трафімавіч Бандарчук
Дата нараджэння	25 кастрычніка 1952(1952-10-25) (72 гады)
Месца нараджэння	Сярэднія Печы, Сіманіцкі сельсавет, Лельчыцкі раён, Палеская вобласць, БССР, СССР
Род дзейнасці	мастак у галіне манументальна-дэкаратыўнага мастацтва
Вучоба	Беларуская дзяржаўная акадэмія мастацтваў
Уплыў	Гаўрыла Харытонавіч Вашчанка
Член у	Беларускі саюз мастакоў
Узнагароды	прэмія «За творчыя дасягненні ў галіне культуры і мастацтва» імя А. Дубко[d]

Мікалай Трафімавіч Бандарчук (нар. 25 кастрычніка 1952, в. Сярэднія Печы, Гомельская вобласць) — беларускі мастак, педагог.

Нарадзіўся 25 кастрычніка 1952 года ў вёсцы Сярэднія Печы Гомельскай вобласці. Скончыў Беларускі тэатральна-мастацкі інстытут у 1976 годзе. Вучыўся ў Г. Вашчанкі. Удзельнік мастацкіх выставак з 1976 года^[1].

Член Беларускага саюза мастакоў з 1985 года. Жыве ў г. Гродна^[1].

Працуе ў галіне манументальна-дэкаратыўнага мастацтва, а таксама ў станковым жывапісе. Асноўныя творы: вітражы «Стары Хатабыч», «Залатая рыбка», «Сіняя птушка» для дзіцячых садкоў, вітраж для школы-інтэрната, роспіс «Краіна казак» у дзіцячым садку, сграфіта «Тэкстыльшчыцы» ў ГПТВ № 120 (усе ў Гродна); жывапісныя творы «Дот», «Крах», «Таямнічая ноч», «Аўтапартрэт», «Раніца ў Гродна», «Вечар», «Змрок», «Палі Беларусі», «Дождж»^[1].

Творы знаходзяцца ў Музеі сучаснага выяўленчага мастацтва ў Мінску, фондах БСМ^[1].

Заслужаны дзеяч мастацтваў Беларусі, лаўрэат прэміі імя А. І. Дубко Гродзенскага аблвыканкама (2005, 2017), узнагароджаны медалём Ф. Скарыны, медалём Беларускага саюза мастакоў^[2].

• Бандарчук Мікалай Трафімавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

• Мікалай Трафімавіч Бандарчук на сайце анлайн-энцыклапедыі «Беларусь у асобах і падзеях»