Мікіта Пятровіч Кароткін

Мікіта Пятровіч Кароткін
Намеснік міністра хлебапрадуктаў БССР 1956 — 1969
5-ы Першы сакратар Віцебскага абласнога камітэта КПБ студзень 1954 — верасень 1956
Другі сакратар Віцебскага абласнога камітэта КПБ ліпень 1952 — студзень 1954
Намеснік міністра сельскай гаспадаркі БССР 1951 — 1952
Другі сакратар Гродзенскага абласнога камітэта КП(б) Беларусі 1947 — 23 жніўня 1948
Нараджэнне	15 красавіка 1906(1906-04-15) Сапрынавічы, Аслянская воласць[d], Мсціслаўскі павет, Магілёўская губерня, Расійская імперыя
Смерць	невядома невядома
Партыя	КПСС
Адукацыя	Жлобінскі аграпедтэхнікум (1930), Вышэйшая партыйная школа пры ЦК УКП(б) (1951)
Узнагароды

Мікі́та Пятро́віч Каро́ткін (15 красавіка 1906, в. Сапрынавічы Магілёўскай губерні, Расійская імперыя (цяпер у Мсціслаўскім раёне Магілёўскай вобласці) — невядома) — савецкі партыйны дзеяч, былы першы сакратар Віцебскага абласнога камітэта КП(б) Беларусі.

З сялянскай сям’і. У 1930 годзе скончыў Жлобінскі аграпедтэхнікум. Працаваў настаўнікам у Слуцкім раёне.

З 1932 года на партыйнай і гаспадарчай рабоце.

У 1940 годзе быў прызначаны першым сакратаром Жабінкаўскага райкама КП(б) Беларусі.

У часы Вялікай Айчыннай вайны партызаніў на Магілёўшчыне.

Улетку 1947 года быў прызначаны другім сакратаром Гродзенскага абласнога камітэта КП(б) Беларусі, а пасля заканчэння Вышэйшай партыйнай школы пры ЦК УКП(б) стаў намеснікам міністра сельскай гаспадаркі Беларускай ССР і адначасова начальнікам палітычнага сектара Міністэрства сельскай гаспадаркі.

З 1952 года быў прызначаны спачатку другім, а пасля першым сакратаром Віцебскага абласнога камітэта КПБ.

У 1956—1969 гадах — намеснік міністра хлебапрадуктаў БССР.

Дэпутат Вярхоўнага Савета СССР (1954 — 1958).

Яго імем названа вуліца ў горадзе Жабінка.

• Анатоль БЕНЗЯРУК. «Наш» Кароткін альбо Праца над памылкамі (нявызн.)(недаступная спасылка). Сельская праўда (15 студзеня 2015). Архівавана з першакрыніцы 14 красавіка 2021.
• Біяграфія (руск.)