Навое

Навое
Краіна	Беларусь
Вобласць	Брэсцкая
Раён	Бярозаўскі
Сельсавет	Стрыгінскі
Каардынаты	52°28′52″ пн. ш. 25°03′48″ у. д.HGЯO
Насельніцтва	▼104 чал. (2019);
Часавы пояс	UTC+3
Тэлефонны код	+375 1643
Паштовыя індэксы	225211
Аўтамабільны код	1
СААТА	1208868021

Наво́е^[1] (трансліт.: Navoje, руск.: Новое) — вёска ў Бярозаўскім раёне Брэсцкай вобласці. Уваходзіць у склад Стрыгінскага сельсавета. Размешчана за 11 км ад Бярозы, за 17 км ад чыгуначнай станцыі Бяроза-Картузская.

Гісторыя

Паводле перапісу 1897 года вёска ў Пескаўскай воласці Слонімскага павета Гродзенскай губерні, дзейнічала кузня.

З 1915 года акупіравана германскімі войскамі, з 1919 года да ліпеня 1920 года і з жніўня 1920 года — войскамі Польшчы. У ліпені 1920 была ўстаноўлена савецкая ўлада.

З 1921 года ў складзе Польшчы, у 1924 годзе пад назвай Новы ў Пескаўскай гміне Косаўскага павета Палескага ваяводства. У 1920-я г. ў вёсцы была створана ячэйка КПЗБ.

З 1939 года ў БССР, з 1940 года вёска ў Совінскім сельсавеце.

У 1941—1944 гг. акупіравана нямецка-фашысцкімі захопнікамі. Акупанты загубілі 9 жыхароў вёскі. На фронце загінулі 25 воінаў-землякоў.

У 1949 годзе быў створаны калгас «Савецкая Беларусь», 25 ліпеня 1951 года ён увайшоў у склад калгаса імя Кірава (цэнтр — в. Стрыгінь). З 16 ліпеня 1954 года ў Стрыгінскім сельсавеце. Паводле перапісу 1970 года ў калгасе імя Кірава.

Планіроўка

Планіровачна складаецца з 2 паралельных вуліц, арыентаваных з поўначы на поўдзень, іх (з захаду на ўсход) перасякаюць альбо злучаюць некалькі правулкаў.

Насельніцтва

XIX стагоддзе:
- 1897 — 53 двары, 309 жыхароў.
XX стагоддзе:
- 1905 — 341 жыхар.
- 1924 — 79 будынкаў, 391 жыхар.
- 1940 — 96 двароў, 547 жыхароў.
- 1959 — 86 гаспадарак, 351 жыхар.
- 1970 — 596 жыхароў.
XXI стагоддзе:
- 2005 — 107 двароў, 212 жыхароў.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

Літаратура

Новае. Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.