Нарачанскі сельсавет (Вілейскі раён)

Нарачанскі сельсавет
Краіна	Беларусь
Уваходзіць у	Вілейскі раён
Уключае	35 населеных пунктаў
Адміністрацыйны цэнтр	Нарач
Дата ўтварэння	12 кастрычніка 1940
Насельніцтва (2019)	1 429
Плошча	170,9 км²
Часавы пояс	UTC+03:00
Тэлефонны код	+375 1771
Код аўтам. нумароў	5
Афіцыйны сайт

Нарача́нскі сельсавет — адміністрацыйна-тэрытарыяльная адзінка ў складзе Вілейскага раёна Мінскай вобласці Беларусі. Цэнтр — аграгарадок (да 2008 г. вёска) Нарач.

Размешчаны ў заходняй частцы Вілейскага раёна. Цэнтр сельсавета — аграгарадок Нарач знаходзіцца за 17 кіламетраў ад райцэнтра горада Вілейка, за 115 кіламетраў ад горада Мінска. Нарачанскі сельсавет мяжуе з Іжскім, Любанскім, Асіпавіцкім сельсаветамі Вілейскага раёна і Вішнеўскім сельсаветам Смаргонскага раёна Гродзенскай вобласці.

Утвораны 12 кастрычніка 1940 года як Бараўцаўскі сельсавет у складзе Куранецкага раёна Вілейскай вобласці БССР. Цэнтр — вёска Бараўцы. З 20 верасня 1944 года ў складзе Маладзечанскай вобласці. З 5 ліпеня 1946 года ў складзе Вілейскага раёна. З 20 студзеня 1960 года ў складзе Мінскай вобласці. 11 верасня 1975 года цэнтр сельсавета перанесены ў вёску Нарач, сельсавет перайменаваны ў Нарачанскі. 16 снежня 1982 года да сельсавета далучана тэрыторыя скасаванага Рускасельскага сельсавета (24 населеныя пункты: Бабішча, Вайдзені, Гіры, Доўгае, Кавалі, Камарышкі, Канстанполле, Касічы, Красніца, Кузьмішкі, Купля, Ляхаўшчына, Мацавічы, Мечаі, Мішуты, Наберажная, Падклённе, Парамец-II, Прынта, Родзевічы, Рускае Сяло, Ручыца, Ялажычы, Ярмолічы)^[1].

Насельніцтва сельсавета паводле перапісу 2009 года — 1690 чалавек^[2], з іх 94,0 % — беларусы, 4,1 % — рускія, 0,9 % — украінцы, 0,6 % — палякі^[3]; паводле перапісу 2019 года — 1429 чалавек^[4].

Усяго насельніцтва (2011 год) у сельсавеце — 1652, у тым ліку:

• Маладзей працаздольнага ўзросту — 246
• Працаздольнага ўзросту — 936
• Старэй працаздольнага ўзросту — 470

Нарачанскі сельсавет уключае 35 населеных пунктаў:

• Бабішча — вёска.
• Бараўцы — вёска.
• Вайдзені — вёска.
• Гіры — вёска.
• Доўгае — вёска.
• Жарсцвянка — вёска.
• Заброддзе — вёска.
• Кавалі — вёска.
• Камарышкі — вёска.
• Канстанполле — вёска.
• Кардон — вёска.
• Касічы — вёска.
• Клаўсюты — вёска.
• Красніца — вёска.
• Кузьмішкі — вёска.
• Купля — вёска.
• Ляхаўшчына — вёска.
• Маргі — вёска.
• Мардасы — вёска.
• Мацэвічы — вёска.
• Мішуты — вёска.
• Мячаі — вёска.
• Набарэжная — вёска.
• Навасады — вёска.
• Нарач — аграгарадок.
• Падкленне — вёска.
• Папоўцы — вёска.
• Парамец 2 — вёска.
• Прынта — вёска.
• Радзевічы — вёска.
• Рускае Сяло — вёска.
• Ручыца — вёска.
• Урэчча — вёска.
• Ялажычы — вёска.
• Ярмолічы — вёска.

• Нарачанскае лясніцтва ДЛГУ «Вілейскі лясгас»
• ДУП «Вілейская ЖКГ» кацельная Нарач
• ПАВП-16
• ААТ «Нарачанскія зоры»
• ААТ «Вілейскі райаграсэрвіс» дапаможная гаспадарка «Дружба»

• Ахова здароўя: сельская доктарская амбулаторыя, 2 фельчарска-акушэрскіх пункта
• Адукацыя: сярэдняя агульнаадукацыйная школа, дашкольная ўстанова
• Культура: СДК, клуб-бібліятэка.
• У вёсцы Красніца размешчана аграэкасядзіба «Рачная», у вёсцы Навасады — «Таямніца».

• Сымон Барыс (нар. 1937) — беларускі педагог, журналіст, фалькларыст, этнограф, гісторык, краязнаўца. Выпускнік Рускасельскай сярэдняй школы.^[5]

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

• Вілейскі райвыканкам Архівавана 14 верасня 2020.