Нацыянальная бібліятэка Румыніі

Нацыянальная бібліятэка Румыніі
рум.: Biblioteca Națională Romǎniei
Нацыянальная бібліятэка Румыніі ; рум.: Biblioteca Națională Romǎniei
	рум.: Biblioteca Naţională a României
Краіна	Румынія;
Адрас	Бухарэст
Заснавана	1859
Код ISIL	RO-RmBuBN
Фонд
Аб'ём фонду	каля 13 млн адз.
Вэб-сайт	www.bibnat.ro (рум.)
	Медыяфайлы на Вікісховішчы

Нацыянальная бібліятэка Румыніі (рум.: Biblioteca Națională a Romaniei) размешчана ў Бухарэсце. Бібліятэка мае свае філіялы ў гарадах Алба-Юлія і Краёва.

Гісторыя

Бібліятэка сыходзіць сваімі каранямі ў бібліятэку Каледжа Святога Савы, якая была адкрыта ў 1859 годзе, калі 1000 кніг на французскай мове былі змешчаны ў архіў. Пасля аб’яднання Румыніі ў адну дзяржаву ў тым жа годзе бібліятэка атрымала нацыянальны статус (Нацыянальная і Цэнтральная бібліятэка рум.: Bibliotecǎ Naționala și Bibliotecǎ Centralǎ). У 1864 годзе яна стала называцца Цэнтральнай бібліятэкай дзяржавы (рум.: Biblioteca Centralǎ a Statului).

У 1901 годзе ўсе зборы бібліятэкі былі перададзены ў распараджэнне Румынскай акадэмічнай бібліятэкі, у выніку чаго апошняя насіла нацыянальны статус. У 1955 годзе ж была арганізавана Дзяржаўная нацыянальная бібліятэка, якая стала нацыянальнай. У 1989 годзе пасля падзення камуністычнага рэжыму бібліятэцы была нададзена яе цяперашняя назва.