Ператварэнне адзінак вымярэння

Ператварэнне адзінак вымярэння — перавод значэнняў фізічных велічынь, пададзеных у адных адзінках вымярэння, у іншыя адзінкі (напрыклад, з кілаграмаў у грамы).

Неабходнасць ператварэння адзінак вымярэння можа быць абумоўлена рознымі прычынамі: заканадаўчымі, нарматыўнымі, тэхнічнымі, для зручнасці або з мэтай параўнання значэнняў некалькіх велічынь, пададзеных у розных адзінках. Так, напрыклад, у многіх краінах у заканадаўча рэгуляваных сферах маюць выкарыстоўвацца толькі ўзаконеныя адзінкі вымярэння (як правіла, сістэмы СІ), але першапачатковыя вынікі вымярэнняў могуць быць з тых ці іншых прычын атрыманыя ў іншых адзінках, таму патрабуецца іх ператварэнне.

Ператварэнне адзінак вымярэння адбываецца з дапамогай каэфіцыента ператварэння — дроба, дзе ў лічніку і назоўніку стаіць аднолькавая велічыня ў розных адзінках вымярэння. Напрыклад, з таго факту, што 1 цаля роўная 2,54 сантыметра, можна атрымаць два каэфіцыенты ператварэння^[1]:

${\displaystyle {\frac {1{\text{ цаля}}}{2,54{\text{ см}}}}}$ і ${\displaystyle {\frac {2,54{\text{ см}}}{1{\text{ цаля}}}}}$.

Дзякуючы фізічнай эквівалентнасці велічыняў у лічніку і назоўніку, дамнажэнне на каэфіцыент ператварэння раўнасільнае дамнажэнню на адзінку^[1]. Прыклад выкарыстання каэфіцыента для ператварэння сантыметраў у цалі:

${\displaystyle 254{\text{ см}}=254{\text{ см}}\cdot {\frac {1{\text{ цаля}}}{2,54{\text{ см}}}}={\frac {254\cdot 1}{2,54}}{\frac {{\cancel {\text{см}}}\cdot {\text{ цаля}}}{\cancel {\text{см}}}}=100{\text{ цаляў}}}$.

• Theodore L. Brown et al. Chemistry: the central science. — 12th ed. — 2011. — ISBN 978-0-321-69672-4.