Растаў

Вёска Растаў Краіна Беларусь Вобласць Гомельская Раён Акцябрскі Сельсавет Парэцкі Каардынаты 52°37′12″ пн. ш. 28°43′51″ у. д.HGЯO Першая згадка XIX стагоддзе Ранейшыя назвы Адальфін Насельніцтва 58[1] чалавек (2011) Часавы пояс UTC+3 Тэлефонны код +375 2357 Паштовы індэкс 247308 Аўтамабільны код 3 Растаў на карце Беларусі ±

Ра́стаў^[2] (трансліт.: Rastaŭ, руск.: Растов) — вёска ў Акцябрскім раёне Гомельскай вобласці. Уваходзіць у склад Парэцкага сельсавета.

У 20 км на захад ад гарадскога пасёлка Акцябрскі, 223 км ад Гомеля, 13 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Праз вёску праходзіць меліярацыйны канал, злучаны з ракой Пціч.

На поўдні і захадзе мяжуе з лесам.

Транспартныя сувязі па прасёлкавай, затым аўтамабільнай дарозе Акцябрскі — Капцэвічы.

Планіроўка складаецца з 3 кароткіх прамалінейных вуліц, арыентаваных з паўднёвага ўсходу на паўночны захад і злучаных просталінейнай вуліцай, блізкай да мерыдыянальнай арыентацыі. У складзе сельскагаспадарчага ААТ «Парэчча-Арэса» з цэнтрам у Парэччы, жывёлагадоўчая ферма. Крама.

Па пісьмовых крыніцах вядомая з XIX стагоддзя як вёска ў Рудабельскай воласці Бабруйскага павета Мінскай губерні. Па дадзеных на 1897 год вёска Растаў таксама вядомая як Адальфін. У 1931 годзе арганізаваны калгас «Чырвоны воін». Падчас Вялікай Айчыннай вайны у красавіку 1942 года нямецкія акупанты спалілі 9 двароў і забілі 47 жыхароў. У магіле ахвяр фашызму, у цэнтры вёскі, пахаваны расстраляныя карнікамі ў красавіку 1942 года 4 партызанскія сям'і (14 жыхароў); у 1970 годзе ўстаноўлена стэла. 25 жыхароў загінулі на фронце. У 1966 годзе да вёскі далучаны суседні пасёлак Багданаў.

• 2011 год — 58 жыхароў.

• 1897 год — 11 двароў, 73 жыхара (паводле перапісу).
• 1940 год — 33 двары, 166 жыхароў.
• 1959 год — 106 жыхароў (паводле перапісу).
• 1997 год — 56 двароў, 107 жыхароў.
• 2004 год — 41 двор, 82 жыхары.

• Леанід Ніканоравіч Дробаў — беларускі мастак і мастацтвазнаўца, лаўрэат Дзяржаўнай прэміі Беларусі.
• Віктар Уладзіміравіч Шчэцька (нар. 1955) — беларускі палітык.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

• На Вікісховішчы пакуль няма медыяфайлаў па тэме, але Вы можаце загрузіць іх