Парэцкі сельсавет (Акцябрскі раён)

Парэцкі сельсавет
Краіна	Беларусь
Уваходзіць у	Акцябрскі раён
Уключае	9 населеных пунктаў
Адміністрацыйны цэнтр	Парэчча
Дата ўтварэння	20 жніўня 1924
Насельніцтва (2019)	702
Часавы пояс	UTC+03:00
Код аўтам. нумароў	3

Парэ́цкі сельсаве́т — адміністрацыйна-тэрытарыяльная адзінка ў складзе Акцябрскага раёна Гомельскай вобласці Беларусі. Цэнтр — аграгарадок (да 2010 года — вёска) Парэчча.

Утвораны 20 жніўня 1924 года ў складзе Глускага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Глускім раёне БССР. З 20 лютага 1938 года ў Глускім раёне Палескай вобласці. З 28 чэрвеня 1939 года ў складзе новаўтворанага Акцябрскага раёна Палескай вобласці, з 20 верасня 1944 года — Бабруйскай вобласці, з 8 студзеня 1954 года — Гомельскай вобласці. З 25 снежня 1962 года па 30 ліпеня 1966 года ў складзе Светлагорскага раёна. На 1 студзеня 1974 года ў складзе сельсавета было 19 населеных пунктаў^[1]. 25 мая 1989 года ў склад сельсавета з Ляскавіцкага сельсавета перададзена вёска Харомцы^[2]. 27 снежня 2022 года да сельсавета далучана тэрыторыя скасаванага Ляскавіцкага сельсавета (3 населеныя пункты: вёскі Альбінск, Забалацце і Ляскавічы)^[3].

Насельніцтва сельсавета паводле перапісу 2009 года (6 населеных пунктаў) — 861 чалавек^[4], з іх 96,2 % — беларусы, 2,2 % — рускія, 1,0 % — украінцы^[5]; паводле перапісу 2019 года (6 населеных пунктаў) — 702 чалавекі^[6].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

• Парэцкі сельсавет (Акцябрскі раён) у картатэцы Фондавага каталога дзяржаўных архіваў Рэспублікі Беларусь