Свяціца (Ляхавіцкі раён)

Свяціца
Краіна	Беларусь
Вобласць	Брэсцкая
Раён	Ляхавіцкі
Сельсавет	Крывошынскі
Каардынаты	52°45′32″ пн. ш. 26°02′26″ у. д.HGЯO
Насельніцтва	▼413 чал. (2019);
Часавы пояс	UTC+3
Тэлефонны код	+375 1633
Паштовы індэкс	225386
Аўтамабільны код	1
СААТА	1250817056

Свяці́ца^[1] (трансліт.: Sviacica, руск.: Святица) — вёска ў Беларусі, у Ляхавіцкім раёне Брэсцкай вобласці. Уваходзіць у склад Крывошынскага сельсавета.

Геаграфія

Знаходзіцца за 45 кіламетраў на паўднёвы захад ад горада Ляхавічы і 41 км ад чыгуначнай станцыі Ляхавічы, за 220 км ад Брэста^[2].

Гісторыя

Каля вёскі, ва ўрочышчы Куль, знаходзіцца стаянкі эпохі фінальнага палеаліту і мезаліту.

Пасля ўз’яднання з БССР з 12 кастрычніка 1940 года ў складзе Навасёлкаўскага сельсавета Ганцавіцкага раёна Пінскай вобласці. Перад Вялікай Айчыннай вайной у вёсцы жыло 964 чалавекі ў 200 дварах^[3].

У сакавіку 1943 года нямецкімі акупацыйнымі ўладамі было спалена 200 дамоў, забіта 106 чалавек^[3].

У 1954—1957 гадах Свяціца была цэнтрам Свяціцкага сельсавета Ганцавіцкага раёна. З 22 красавіка 1957 года ў Крывошынскім сельсавеце Ляхавіцкага раёна. У 1997—2013 гг. з’яўлялася цэнтрам адноўленага Свяціцкага сельсавета ў складзе Ляхавіцкага раёна^[4].