Старое Сяло (Віцебскі раён)

Вёска Старое Сяло Краіна Беларусь Вобласць Віцебская Раён Віцебскі Сельсавет Лятчанскі Каардынаты 55°13′00″ пн. ш. 29°53′00″ у. д.HGЯO Вышыня цэнтра 152 м Колькасць двароў 224 Насельніцтва 534 чалавекі (2001) Часавы пояс UTC+3 Тэлефонны код +375 212 Паштовыя індэксы 211240 Аўтамабільны код 2 Старое Сяло на карце Беларусі ±

Старое Сяло — вёска ў Лятчанскім сельсавеце Віцебскага раёна Віцебскай вобласці Беларусі.

Знаходзіцца за 24 кіламетры ў напрамку на паўночны захад ад Віцебска^[1], на аўтамабільнай дарозе Р151^[2] Віцебск — Шуміліна; Чыгуначная станцыя Старое Сяло на лініі Віцебск — Полацк.

У пачатку XVI стагоддзя вядома як баярская ўласнасць у Віцебскім павеце Вялікага Княства Літоўскага. У 1523 годзе баярыня А. Мастычына і яе сын Ю. Сянкевіч прадалі Старое Сяло віцебскаму ваяводу і каралеўскаму маршалку І. Б. Сапегу. З XVIII стагоддзя маёнтак Лускінаў, у склад якога ўваходзілі таксама вёска Плетніца і Запруддзе. У 1846 годзе ў Старым Сяле дзейнічала крупадзёрка, вадзяны млын, кузня, карчма, штогод адбываліся кірмашы, з 1865 года — народнае вучылішча, з 1886 года — валасное праўленне, паштовая станцыя, школа.

З 20 жніўня 1924 года цэнтр Старасельскага сельсавета Лосвідскага раёна, з 29 кастрычніка 1924 года ў Кузняцоўскім раёне, з 26 сакавіка 1927 года ў Віцебскім раёне.

У часы Вялікай Айчыннай вайны пад нямецкай акупацыяй. З лета 1941 года ў вёсцы дзейнічала група падпольшчыкаў на чале з П. К. Ляхоўскім^[3].

З 22 жніўня 1960 года Старое Сяло ў складзе Лятчанскага сельсавета.

• 481 жыхар, 125 двароў (1941)^[1]
• 611 жыхароў, 245 двароў (1969)^[1]
• 534 жыхары, 224 двары (2001)^[1]

• Сярэдняя школа
• Клуб
• Аддзяленне сувязі

• Помнік землякам, якія загінулі ў гады Вялікай Айчыннай вайны.
• Каля вёскі археалагічны помнік Старое Сяло — гарадзішча днепра-дзвінскай культуры, селішча і 3 курганныя могільнікі. —  Гісторыка-культурная каштоўнасць Беларусі, шыфр 213В000302шыфр 213В000302,  Гісторыка-культурная каштоўнасць Беларусі, шыфр 213В000304шыфр 213В000304

• Генадзь Якаўлевіч Бяляеў (нар. 1939) — беларускі спецыяліст у галіне тэхналогіі машынабудавання. Кандыдат тэхнічных навук (1975), дацэнт (1978), прафесар (1998).

• Старо́е Сяло́ // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 162. — 10 000 экз. — ISBN 985-11-0035-8. — ISBN 985-11-0251-2 (т. 15).
• Список населённых мест Витебской губернии / Под ред. А. П. Сапунова. — Витебск: Витеб. губ. стат. ком. и Губ. типо-лит., 1906.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 31. — 72 с. — 10 000 экз. — ISBN 978-985-508-136-5. (руск.)
• Ліст карты N-36-36. Выданне 1991 года. Стан мясцовасці на 1987 год. (руск.)