Стэнлі Фішэр

Стэнлі Фішэр
Стэнлі Фішэр
	англ.: Stanley Fischer
Дата нараджэння	15 кастрычніка 1943 (81 год)
Месца нараджэння	Мазабука[d], Паўднёвая правінцыя, Замбія;
Грамадзянства	Ізраіль; ЗША;
Род дзейнасці	эканаміст, педагог, пісьменнік, прафесар, банкір
Навуковая сфера	эканоміка
Месца працы	Масачусецкі тэхналагічны інстытут; Школа менеджменту Слоўна[d]; Оксфардскі ўніверсітэт; Чыкагскі ўніверсітэт; дэпартамент эканомікі MIT[d];
Альма-матар	Лонданская школа эканомікі і палітычных навук (1966); Лонданская школа эканомікі і палітычных навук (1965); Масачусецкі тэхналагічны інстытут (1969);
Навуковы кіраўнік	Франклін Фішэр[d]
Член у	Амерыканская акадэмія мастацтваў і навук; Эканаметрычнае таварыства[d];
Узнагароды	грант Гугенхайма прэмія Бернарда Хармса[d] заслужаны член Амерыканскай эканамічнай асацыяцыі[d] член Эканаметрычнага таварыства[d] (1977) член Амерыканскай акадэміі мастацтваў і навук узнагарода Пола Волкера за прыжыццёвыя дасягненні ў эканамічнай палітыцы[d] (2016)
Подпіс
	Медыяфайлы на Вікісховішчы

Стэнлі Фішэр (англ.: Stanley Fischer; нар. 15 кастрычніка 1943, Паўночная Радэзія) — амерыкана-ізраільскі і міжнародны эканаміст, старшыня Цэнтральнага банка Ізраіля (2005—2013), віцэ-старшыня Федэральнай рэзервовай сістэмы ЗША (2014—2017).

Біяграфія

Нарадзіўся 15 кастрычніка 1943 года ў Паўночнай Радэзіі ў сям’і яўрэяў — ураджэнцаў Латвіі і Літвы. Калі яму было 13 гадоў, сям’я пераехала ў Паўднёвую Радэзію, дзе ён стаў актывістам моладзевага сіянісцкага руху «Ха-Бонім Дрор». У 1960 годзе Стэнлі Фішэр прыехаў у Ізраіль па моладзевай праграме для вывучэння іўрыта ў кібуцы Мааган-Міхаэль.

Бакалаўр і магістр Лонданскай школы эканомікі; доктар філасофіі Масачусецкага тэхналагічнага інстытута (1969).

Выкладаў у Чыкагскім універсітэце і Масачусецкім тэхналагічным інстытуце. Лаўрэат прэміі Б. Хармса (2002). Уваходзіць у рэдакцыйную калегію Journal of Monetary Economics.

Займаў пасаду шэф-эканаміста Сусветнага банка з 1988 па 1990 гады. У 1994—2001 гадах быў першым намеснікам кіраўніка Міжнароднага валютнага фонду. У 2002—2005 гадах працаваў у Citigroup, стаў яе віцэ-прэзідэнтам.

З 1 мая 2005 года па 30 чэрвеня 2013 года ўзначальваў Банк Ізраіля. За час працы на гэтай пасадзе Фішэр тройчы прызнаваўся найлепшым кіраўніком цэнтрабанка ў свеце па версіі часопіса Global Finance і яшчэ адзін раз — па версіі часопіса Euromoney.

У студзені 2014 года Прэзідэнт ЗША Барак Абама прызначыў Стэнлі Фішэра віцэ-старшынёй Федэральнай рэзервовай сістэмы ЗША. Фішэр уступіў на сваю пасаду 1 лютага 2014 года. Пайшоў у адстаўку 13 кастрычніка 2017 года.

Жанаты, трое дзяцей.