Тамаш Казімір Сапега

Тамаш Казімір Сапега
Tomasz Kazimierz Sapieha
Герб «Ліс»
4-ы Вялікі абозны літоўскі 1649 — 30 сакавіка 1654
Папярэднік	Самуэль Асінскі
Пераемнік	Самуэль Камароўскі
Нараджэнне	1621[1][2]
Смерць	30 сакавіка 1654(1654-03-30)[2][3] Белы Камень, Львоўская зямля, Рускае ваяводства, Малапольская правінцыя, Карона Каралеўства Польскага, Рэч Паспалітая, Польшча[2]
Месца пахавання	Лукіў[2]
Род	Сапегі
Бацька	Фрыдэрык Сапега[d][2]
Маці	Ева са Скашэўскіх[d][2]
Жонка	Соф’я з Дарагастайскіх[d][4]
Дзеці	няма
Адукацыя	Люблінскі езуіцкі калегіум[d] Ягелонскі ўніверсітэт Балонскі ўніверсітэт Падуанскі ўніверсітэт
Званне	ротмістр

Тамаш Казімір Сапега (1621 — 30 сакавіка 1654, у вайсковым абозе пад Белым Камнем) — вялікалітоўскі дзяржаўны і ваенны дзеяч, абозны вялікі літоўскі (з 1649).

Вучыўся ў езуіцкім калегіуме ў Любліне, у 1635 запісаўся Кракаўскую акадэмію. Пазней выехаў у Італію на вучобу ў Балонню і Падую. Таксама падарожнічаў па Германіі, Франціі і Англіі.

У 1648 стаў ротмістрам гусарскай харугвы. Удзельнічаў у бітве пад Піляўцамі. У 1649 знаходзіўся пад Зборавам, атрымаў пасаду абознага літоўскага. У 1650 на чале казацкай харугвы ўдзельнічаў у бітве пад Берасцечкам, дзе быў двойчы паранены.

Памёр 30 сакавіка 1654 года ў вайсковым абозе пад Белым Камнем.

Паходзіў з кодзенскай лініі магнацкага роду Сапегаў, сын Фрыдэрыка і Евы Скашэўскай. Меў братоў Яна Фрыдэрыка, Крыштафа Францішка і Аляксандра Казіміра.

Ажаніўся ў 1647 годзе з Соф’яй Дарагастайскай (1635—1653), дачкой чашніка літоўскага Уладзіслава Дарагастайскага. Праз гэты шлюб атрымаў спадчыну згаслага роду Дарагастайскіх (Дарагастаі, Мураваную Ашмянку і іншыя маёнткі). Дзяцей не пакінуў.

• Генеалогія магнацкіх радоў Рэчы Паспалітай Архівавана 21 верасня 2013.