Уладзімір Міхайлавіч Генералаў

Уладзімір Міхайлавіч Генера́лаў^[4] (руск.: Владимир Михайлович Генералов; нар. 3 ліпеня 1931) — савецкі і беларускі оперны спявак (драматычны барытон). Брат А. М. Генералава^[4].

Нарадзіўся ў станіцы Пацёмкінская (сучасная Пугачоўская ў Кацельнікаўскім раёне Валгаградскай вобласці Расіі). У 1963 годзе сколнчыў Музычна-педагагічны інстытут імя Гнесіных. У 1962—1965 гадах саліст Музычнага тэатра імя Станіслаўскага і Неміровіча-Данчанкі, у 1965—1967 гадах саліст Беларускай дзяржаўнай філармоніі^[5]. З 1966 года^[4] (у 1967—2003 гадах^[5]) саліст Нацыянальнага акадэмічнага Вялікага тэатра оперы і балета.

Сярод выканах партый У. М. Генералава:

• Андрэй («Андрэй Касценя» М. Аладава);
• Кізгайла («Сівая легенда» Дз. Смольскага);
• Варона («Дзікае паляваннен караля Стаха» У. Солтана, 1990);
• Капрал (фільм-опера «У пушчах Палесся» А. Багатырова, 1982);
• Дзій («Князь Наваградскі» А. Бандарэнкі, 1993);
• Князь Ігар («Князь Ігар» А. Барадзіна);
• Гразной («Царская нявеста» М. Рымскага-Корсакава);
• Аманасра («Аіда» Дж. Вердзі);
• Томскі («Пікавая дама» П. Чайкоўскага);
• Шаклавіты («Хаваншчына» М. Мусаргскага);
• Ямадоры (« Чыа-Чыа-сан» Дж. Пучыні);
• Чалхія («Міндыя» А. Тактакішвілі);
• Дворнік («Ледзі Макбет Мцэнскага павета» Дз. Шастаковіча, 1995) і іншыя.

• Сергіенка Р. І. Генера́лаў Уладзімір Міхайлавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 153. — 10 000 экз. — ISBN 985-11-0035-8. — ISBN 985-11-0090-0 (т. 5).
• Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2002. — Т. 1. — С. 259. — 565 с. — 4 000 экз. — ISBN 985-11-0255-5.
• Экранная летопись музыкально-исполнительского искусства Беларуси : тематический каталог / Министерство культуры Республики Беларусь, Белорус. гос. ун-т культуры и искусств; сост. и науч. ред. В. В. Старикова. — Минск: БГУКИ, 2021. — 148 с. — ISBN 978-985-522-277-5. (руск.)