Анатоль Міхайлавіч Генералаў

Анатоль Міхайлавіч Генералаў
Анатоль Міхайлавіч Генералаў
	руск.: Анатолий Михайлович Генералов
Дата нараджэння	31 студзеня 1923
Месца нараджэння	Пугачоўская, Другая Данская акруга[d], Царыцынская губерня[d], РСФСР, СССР;
Дата смерці	8 ліпеня 2007 (84 гады)
Грамадзянства	СССР; Беларусь;
Адукацыя	Расійская акадэмія музыкі імя Гнесіных[d] (1954);
Прафесія	спявак, выкладчык універсітэта
Гады актыўнасці	з 1954
Тэатр	Дзяржаўны акадэмічны Вялікі тэатр оперы і балета БССР; Беларуская дзяржаўная акадэмія музыкі;
Узнагароды	;

Біяграфія

Нарадзіўся ў станіцы Пацёмкінская (сучасная Пугачоўская ў Кацельнікаўскім раёне Валгаградскай вобласці Расіі). Скончыў сярэднюю школу. Удзельнік Вялікай Айчыннай вайны з 1942 года, пехацінец і сувязіст^[3]. Быў паранены^[3]. Пасля дэмабілізацыі прыехаў у Краснадар і паступіў у музычнае вучылішча, у якім правучыўся адзін семестр і камісіяй з Масквы быў адабраны для вучобы ў Музычна-педагагічным інстытуце імя Гнесіных^[3]. Скончыў Музычна-педагагічны інстытут імя Гнесіных (руск.) (бел. у 1954 годзе (клас Генадзя Адэна). У 1954—1981 гадах саліст Дзяржаўнага тэатра оперы і балета БССР. У 1976—2007 гадах выкладаў у Беларускай кансерваторыі^[2], з 1990 года — прафесар кафедры спеваў^[3].

Валодаў моцным прыгожым мяккага тэмбру драматычным барытонам, натуральнасцю сцэнічнай выразнасці, яркім тэмпераментам. Стварыў яркія вобразы ў операх — Князь Ігар («Князь Ігар» А. Барадзіна), Рыгалета і Аманасра («Рыгалета» і «Аіда» Д. Вердзі), Змітрок і Апанас («Міхась Падгорны» і «Алеся» Я. Цікоцкага), Сцяпан («Яснае світанне» А. Туранкова), Дзяніс Давыдаў («Надзея Дурава» А. Багатырова), Чалхія («Міндзія» А. Тактакішвілі (руск.) (бел.), Альфіа («Сельскі гонар (руск.) (бел.» П. Масканьі) і інш. Выканаўца ролі У. І. Леніна на беларускай опернай сцэне («Кастрычнік» В. Мурадэлі (руск.) (бел., «У буру» Ц. Хрэннікава)^[2].

Ордэн Пашаны (11 лютага 2003) — за вялікі асабісты ўклад работнікаў установы адукацыі «Беларуская дзяржаўная акадэмія музыкі» ў развіццё музычнага мастацтва, падрыхтоўку творчых кадраў^[4].
Узнагароджаны Ордэнам Айчыннай вайны, медалямі.

Ракава А. Я. Генералаў Анатоль Міхайлавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 152—153. — 10 000 экз. — ISBN 985-11-0035-8. — ISBN 985-11-0090-0 (т. 5).
Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. Габой — Карціна. — С. 66. — 702 с. — 9 500 экз.