Конкурс выканаўцаў эстраднай песні «Віцебск» 2019 года

Конкурс выканаўцаў эстраднай песні «Віцебск» 2019 года
{{{Лагатып}}}
Конкурсныя этапы
1-ы дзень	13 ліпеня: Славянскі хіт
2-і дзень	14 ліпеня: Сусветны хіт
Правядзенне
Месца правядзення	Летні амфітэатр
Вядучы(я)	Кацярына Раецкая Дзяніс Дудзінскі
Дырэктар	Глеб Лапіцкі
Дырыжор	Міхаіл Фінберг
Удзельнікі
Колькасць краін	16
Дэбют	Кітай
Адмовіліся ад удзелу	Куба Славенія
Галасаванне
Сістэма галасавання	адкрытая, ад 5 да 10 балаў ад кожнага сябра журы
Гран-пры	Адыльхан Макін
Першая прэмія	Георгі Путкарадзэ
Другая прэмія	Ваня Зданюк Ілай Альмані
Трэццяя прэмія	Дмытро Бабак Іван Дзятлаў
Конкурс выканаўцаў эстраднай песні «Віцебск-2019»
◄2018 2020►

Конкурс выканаўцаў эстраднай песні «Віцебск-2019» быў праведзены ў 28-ы раз у рамках традыцыйнага фестываля мастацтваў Славянскі Базар у Віцебску.

Конкурс сабраў прадстаўнікоў 16 краін з Еўропы і Азіі. Упершыню на конкурсе ўзяў удзел Кітай.

Гран-пры конкурса атрымаў казахскі выканаўца Адыльхан Макін, першая прэмія дасталася грузінскаму выканаўцу Георгію Путкарадзэ^[1].

Удзел у конкурсе дазваляецца выканаўцам ад 18 да 31 года ўключна. Максімальная колькасць удзельнікаў - 18 з розных краін свету. Згодна з рэгламентам конкурса, прыярытэтным фактарам пры адборы для ўдзела ў конкурсе з'яўляецца наяўнасць у ўдзельніка рэкамендацыі органа дзяржаўнага кіравання сферай культуры краіны-удзельніцы, і (або) перамога ўдзельніка ў нацыянальным адборачным туры (пры яго наяўнасці).

Конкурсныя выступленні праводзіліся публічна ў два конкурсныя дні ў фармаце мерапрыемства забаўляльнага характару. У першы дзень выконваўся папулярны і вядомы твор кампазітара славянскай краіны і на адной з славянскіх моў, які занімаў (ці занімае) лідэрскія пазіцыі ў хіт-парадах. Выкананне ажыццяўлялась у суправаджэнні Нацыянальнага акадэмічнага канцэртнага аркестра РБ пад кіраўніцтвам Міхаіла Фінберга. Працяг выступлення не павінен быў займаць больш за 4 хвіліны.

У другі дзень конкурса выконваўся папулярны і вядомы твор, які займаў (ці займае) лідэрскія пазіцыі ў сусветных хіт-парадах. Выканнане ажыццяўлялася ў суправаджэнні фанаграммы "мінус адзін" не болей за 4 хвіліны. Падчас выканання сустветных хітоў з канкурсантамі супрацоўнічаў балет Алы Дыхавай "Тодэс": на кожнае выкананне была зроблена адмысловая харэаграфія.

У 2019 годзе ўсе пераможцы нацыянальных адборачных тураў адразу ўдзельнічалі ў фінале конкурса. Паўфіналаў не праводзілася.

Міжнароднае журы фарміравалася дырэкцыяй фестываля на кантрактнай аснове з ліку папулярных выканаўцаў, кампазітраў, менеджераў. Для конкурса Віцебск-20219 максімальная колькасць сябраў журы была лімітавана 12 асобамі, уключна з Старшынёй, адказнаным і тэхнічным сакратарамі.

Журы ацэньвала ўдзельнікаў па 10-бальнай схеме з найменьшым балам 5. Форма галасавання - адкрытая (электронная): канкурсанты атрымлівалі балы адразу пасля выступлення. Пры супярэчнасцях паміж сябрамі журы старшыня мае права на дадатковы голас.

У конкурсе 2019 года у калегіі журы прысутнічалі:

• Тамара Гвердцытэлі - Старшыня
• Віктар Бабарыкін
• Вяселін Марынаў
• Саманта Ціна
• Алішэр Карымаў
• Іван Маркавіч
• Ірына Білык
• Марлоў Расада
• Джэні Берггрэн

Планавалася, што ў конкурсе возьмуць удзел прадстаўнікі 18 краін, але выканаўцы з Кубы і Славеніі не здолелі прыехаць у сувязі з юрыдычнымі і некаторымі праблемамі са станам здароўя^[2].

№	Краіна	Выканаўца	Славянскі хіт	Сусветны хіт	Агульны бал	Месца
01	Беларусь	Ваня Зданюк	82	88	170	2
02	Кітай	Сыйн Лі	71	71	142	16
03	Казахстан	Адыльхан Макін	89	89	178	1
04	Ізраіль	Ілай Альмані	87	84	171	2
05	Швейцарыя	TH3O	72	73	145	15
06	Арменія	Моніка Манучарава	54	53	159	11
07	Латвія	Лідзія Брэска	75	81	156	13
08	Мальта	Франчэска "Чэс" Марыя Галея	82	79	161	10
09	Расія	Іван Дзятлаў	85	83	168	3
10	Малдова	Лідзія Ісак	83	84	167	8
11	Літва	Паўліна Паўкштайцітэ	85	82	167	7
12	Польшча	Ліліт Мінасян	82	81	163	9
13	Балгарыя	Нікі Танеў	78	81	159	11
14	Украіна	Дмытро Бабак	86	81	167	3
15	Германія	Эміна	77	76	153	14
16	Грузія	Георгі Путкарадзэ	86	85	171	1

Перамога Казахстана стала другой па ліку для гэтай краіны. У 2015 годзе Гран-пры конкурса "Віцебск" атрымаў Дзімаш Кудайберген.

Прадстаўнікі Ураіны, Літвы і Малдовы набралі аднолькавую колькасць балаў, таму лёс трэцяй прэміі павінна была вырашаць старшыня журы. Старшыня журы Тамара Гвердцытэлі адмовілася ад права дадтковага голаса, таму ўсе супрэчнасці вырашаліся галасаваннем сярод сябраў калегіі^[3].

Уладальнік Гран-пры атрымаў прэмію ў памеры 20 тысяч амерыканскіх даляраў. Лаурэат першай прэміі - 15 тысяч, другой прэміі - 10 тысяч, трэцяй - 5 тысяч. Сумы прызавых дзяліліся паміж лаурэатамі ў выпадку другой і трэцяй прэмій.