Саат-кула (Крива Паланка)

Саат-кула (Крива Паланка) — времемерно здание во градот Крива Паланка.^[1]

Била сместена на една височинка од десната страна на магистралниот пат кон Бугарија, кој поминува низ градот.

Се смета дека била изградена кон крајот на XVIII и почетокот на XIX век. Поради дотраеност била урната во 1958 година.^[1]

Имала квадратна основа и висина од 12 метри.^[1]

Била изѕидана од камен дебел половина метар, а во внатрешноста воделе дрвени скали. Најгоре се наоѓал механизмот на часовникот и големо месингено ѕвоно. Механизмот бил поврзан со две дебели јажиња со тегови, кои наизменично се кревале и спуштале во дупка. За часовникот се грижел Али-бег, познат саатчија. Се навивал секои 24 часа.^[2]

Со обновата на административната зграда на Општина Крива Паланка, градот Крива Паланка повторно добил градски саат, кој бил поставен на врвот на новата зграда.^[2]

п р у Саат-кули во Македонија Зачувани Скопје  • Битола  • Охрид  • Прилеп  • Гостивар  • Свети Николе Стражарници Велес  • Штип  • Кратово  • Кочани Разурнати Стар Дојран  • Неготино  • Тетово  • Кичево  • Крива Паланка  • Радовиш  • Ресен  • Струга  • Куманово  • Дебар Камбанарии Црква „Св. Никола“ - Крушево  • Црква „Рождество на Пресвета Богородица“ - Берово