Филипи е антички град кој го примил посланието на христијанската вера во 50 г. од Апостол Павле при неговото прво патување (Дела 16, 12-40). Павле го посетил градот уште двапати, третиот пат меѓу 57 и 58 г. (Дела 20, 1-6). Христијанската заедница во Филипи уживала почит кај својот основач, кој им го испратил Епафродит (Филипјаните 4, 10-20), традиционално сметан за првиот епископ на градот. Неколку жители на Филипи умреле маченичка смрт, што се гледа од писмото на Поликарп Смирнски до филипјаните и како што е раскажано во Vetus Martyrologium Romanum[1]. Истиот мартиролог за 26 јули го спомнува св. Ераст, вториот епископ на градот, кој бил „оставен како епископ од блажениот Апостол Павле и таму овенчан со мачеништво“ („illic a beato Paulo Apostolo relictus Episcopus, ibidem martyrio coronatus est“).[2]Игнатиј Богоносец во писмото до христијанската заедница во Филипи од првите децении на II век го поздравува светиот епископ Виталиј.
Филипската епархија првично била потчинета на Солунската архиепископија. Подоцна е воздигната во митрополија, што се гледа во Notitia Episcopatuum, изготвен од византискиот цар Лав VI Мудриот (886-912), каде таа е ставена на 39-то место меѓу митрополиите на Цариградската патријаршија со 6 потчинети епископии: Полистил, Велиција, Христупол, Смолен, Кесаропол и Алектриопол.[3]
учесник на Третиот вселенски собор во Ефес во 431 г., потпишан „Φλαβιανοῦ Φιλίππων, ἐπέχοντος καὶ τὸν τόπον ῾Ρούφου τοῦ εὐλαβεστάτου ἐπισκόπου τῆς Θεσσαλονικέων“[4]
Според Мишел Ле Кјен тасоскиот епископ Онорат е спомнат како учесник на Четвртиот вселенски собор во Халкидон во 451 г.[6] Во V-VI век е спомнат Александар.[7] Георгиј Мисаилидис бил тасоски митрополит од 1924 до 1932 г.
Тасоски
Име
Грчки
Години
Онорат
Ονώρατος
451
Александар
Αλέξανδρος
V – VI век
Георгиј
Γεώργιος
1924 – 1932
Филипско-неаполско-тасоска епархија
Епархијата е основана во 1924 г. под името Кавалско-местенска (Καβάλας καὶ Νέστου). Во 1930 г. е преименувана во Филипско-неаполска (Φιλίππων καὶ Νεαπόλεως), а во 1953 г. преземањето на Тасос од Маронската епархија го добила сегашното име.
↑Полн наслов: Vetus Martyrologium Romanum: „Philippis, in Macedonia, natalis sanctorum Martyrum Rufi et Zosimi, qui ex illorum numero discipulorum fuerunt, per quos primitiva Ecclesia in Judaeis et Graecis fundata est; de quorum etiam felici agone scribit sanctus Polycarpus in epistola ad Philippenses“
