Црква „Св. Димитриј“ - Кованец

Свети Димитриј
Поглед на јужната страна на црквата
македонска православна црква
Епархија	Повардарска
Архијерејско намесништво	Гевгелиско
Парохија	Негорска
Местоположба
Координати	41°13′22.3″N 22°25′02.5″E / 41.222861°N 22.417361°E / 41.222861; 22.417361
Место	Кованец
Општина	Гевгелија
Држава	Македонија
Општи податоци
Покровител	Свети Димитриј Солунски
Изградба	околу 1860
Архитектонски опис
Архит. тип	трикорабна

Свети Димитриј — главна селска црква во гевгелиското село Кованец.

Црквата се наоѓа на неколку стотина метри пред селото, непосредно на левата страна од патот кој води од селото Негорци.

Во дворот на црквата се сместени и селските гробишта.

Црквата е изградена во 1860 година, а била обновена во 1907 година. Нејзин градител е познатиот неимар, резбар и зограф Андон Китанов.^[1]

Градбата на црквата е трикорабна, со рамни и обоени тавани во горните партии. Покривната конструкција е изградена на две води и е потпрена на шест столбови во два реда.^[1] Кон јужната и западната страна на црквата е доградена припрата. Влезната порта на црквата е сместена на јужната страна, а над неа има ниша со полукружна фреска на којашто е претставен ликот на Свети Димитриј и околу којашто е запишано името на светецот. На источната страна од црквата има полукружна апсида со правоаголен отвор во средишниот дел. Камбанаријата на црквата е со квадратна основа и се издига над кровот.

Внатрешноста на црквата е зографисана, а фрескоживописот е од XIX век. Во текот на XIX биле изработени и иконите, како и царските двери. Иконостасот е изработен од дрво и делумно е украсен со убава резба. Царските двери се изработени од страна на мајстор од дружината на Андон Китанов.^[1]

• 
  Дворот на црквата
• 
  Натпис на влезната порта од дворот на црквата
• 
  Влезната врата на црквата
• 
  Апсидата на источната страна на црквата
• 
  Селските гробишта
• 
  Селските гробишта
• 
  Поглед на црквата
• 
  Камбанаријата

• Кованец
• Повардарска епархија
• Гевгелиско архијерејско намесништво
• Негорска парохија

• Црква „Св. Димитриј“ - Кованец на Ризницата ^?

п р у Цркви во Општина Гевгелија „Рождество на Пресвета Богородица“ (Богородица)  • „Св. Атанасиј“(Габрово)  • „Св. Кирил и Методиј“ (Гевгелија)  • „Вознесение Христово“ (Гевгелија)  • „Рождество на Пресвета Богородица“ (Давидово)  • „Св. Илија“ (Давидово)  • „Св. Димитриј“ (Кованец)  • „Св. Димитриј“ (Конско)  • „Св. Петка“ (Милетково)  • „Св. Константин и Елена“ (Миравци)  • „Св. Архангел Михаил“ (Моин)  • „Св. Константин и Елена“ (Мрзенци)  • „Св. Атанасиј“ (Негорци)  • „Св. Димитриј“ (Ново Конско)  • „Вознесение Христово“ (Петрово)  • „Св. Атанасиј“ (Петрово)  • „Св. Илија“ (Петрово)  • „Св. Петка“ (Прдејци)  • „Св. Ѓорѓи“ (Серменин)  • „Св. Илија“ (Серменин)  • „Св. Димитриј“ (Смоквица)  • „Св. Илија“ (Смрдлива Вода)  • „Св. Пантелејмон“ (Ума) Општина Гевгелија