Црква „Св. Константин и Елена“ - Миравци

Свети Константин и Елена
Поглед кон црквата
македонска православна црква
Епархија	Повардарска
Архијерејско намесништво	Гевгелиско
Парохија	Миравска
Местоположба
Координати	41°18′21.8″N 22°25′57.2″E / 41.306056°N 22.432556°E / 41.306056; 22.432556
Место	Миравци
Општина	Гевгелија
Држава	Македонија
Општи податоци
Покровител	Свети Константин и Елена
Изградба	1860, 1893, 1990
Изгорена	1892, 1989
Архитектонски опис
Архит. тип	трикорабна

Свети Константин и Елена — главна селска црква во гевгелиското село Миравци.

Црквата се наоѓа во горниот дел на селото, недалеку од патот кој води кон селата Петрово и Габрово. Капелата, кујната и трпезаријата се одвоени од црквата и се сместени на влезот на селото, во непосредна близина на селските гробишта.

Црквата е изградена во 1860 година.^[1] Во 1892 година, првобитната градба била опожарена, но набргу била обновена во 1893 година. Градител на црквата бил Андон Китанов. Во 1989 година, црквата била повторно опожарена и разурната, со исклучок на надворешните ѕидови кои не биле зафатени. Храмот бил повторно обновен во 1990 година.^[2]

Во периодот од 2009 до 2013 се изградени кујна и купола, кои се одвоени од дворот на црквата и се наоѓаат на влезот од селото, во непосредна близина на селските гробишта. Според натписната плоча поставена на еден од ѕидовите на овие објекти, тие биле изградени со блаослов и донација на Митрополитот Повардарски г. Агатангел, градоначалникот на Општина Гевгелија Иван Франгов, како и со донации од месното население на селото Миравци.

Градбата на црквата е трикорабна, со тавани и и полукружна олтарна апсида на источниот ѕид. Покривната конструкција е изградена на две води и е потпрена на шест четириаголни столбови во два реда. На јужната и западната страна е изграден нов отворен трем.^[2]

Во дворот на црквата се наоѓа и камбанаријата која има осумаголна основа.

По второто опожарување на храмот, внатрешните ѕидови не биле заографисани, со исклучок на внатрешната страна на олтарната апсида која делумно е покриена со нови фрески.^[2]

Иконостасот исто така е изработен по последното обновување на црквата во 1990 година.^[2]

Градбата на кујната има правоаголна основа, а во нејзино продолжение е сместена градбата на капелата која има квадратна основа и претставува крсто-куполна градба со осумаголна купола која се издига над средишниот дел од нејзиниот кров. Двата објекта се обоени во бела боја и се покриени со ќерамиди.

Црква

• 
  Влезна врата од дворот на црквата
• 
  Влезна врата од црквата
• 
  Фреска на Свети Константин и Елена
• 
  Апсидата на источната страна на црквата
• 
  Поглед на црквата
• 
  Камбанаријата
• 
  Гробови
• 
  Апсидата
• 
  Влезот
• 
  Задниот дел
• 
  Камбанаријата

Кујна и капела

• 
  Кујната и капелата
• 
  Кујната
• 
  Капелата
• 
  Внатрешноста на капелата
• 
  Натписна плоча на еден од ѕидовите
• 
  Поглед на капелата и кујната

• Миравци
• Повардарска епархија
• Гевгелиско архијерејско намесништво
• Миравска парохија

„Црква „Св. Константин и Елена“ - Миравци“ на Ризницата ?

• Официјално мрежно место на црквата Архивирано на 1 февруари 2011 г.

п р у Цркви во Општина Гевгелија „Рождество на Пресвета Богородица“ (Богородица)  • „Св. Атанасиј“(Габрово)  • „Св. Кирил и Методиј“ (Гевгелија)  • „Вознесение Христово“ (Гевгелија)  • „Рождество на Пресвета Богородица“ (Давидово)  • „Св. Илија“ (Давидово)  • „Св. Димитриј“ (Кованец)  • „Св. Димитриј“ (Конско)  • „Св. Петка“ (Милетково)  • „Св. Константин и Елена“ (Миравци)  • „Св. Архангел Михаил“ (Моин)  • „Св. Константин и Елена“ (Мрзенци)  • „Св. Атанасиј“ (Негорци)  • „Св. Димитриј“ (Ново Конско)  • „Вознесение Христово“ (Петрово)  • „Св. Атанасиј“ (Петрово)  • „Св. Илија“ (Петрово)  • „Св. Петка“ (Прдејци)  • „Св. Ѓорѓи“ (Серменин)  • „Св. Илија“ (Серменин)  • „Св. Димитриј“ (Смоквица)  • „Св. Илија“ (Смрдлива Вода)  • „Св. Пантелејмон“ (Ума) Општина Гевгелија