കൊല്ലം വിമാനത്താവളം

ഇംഗ്ലീഷ് വിലാസം

https://ml.wikipedia.org/wiki/Quilon_Aerodrome

Quilon Aerodrome കൊല്ലം വിമാനത്താവളം
IATA: -- ICAO: --
Summary
എയർപോർട്ട് തരം	പൊതുഉപയോഗം
ഉടമ	തിരുവിതാംകൂർ (Till 1932)
പ്രവർത്തിപ്പിക്കുന്നവർ	പൊതുമരാമത്ത് വകുപ്പ്
Serves	കൊല്ലം, തിരുവനന്തപുരം
സ്ഥലം	ആശ്രാമം മൈതാനം
സമയമേഖല	(UTC+05:30)
Map
കൊല്ലം വിമാനത്താവളം

കൊല്ലം ആശ്രാമം മൈതാനത്ത് 1932 വരെ പൊതുമരാമത്ത് വകുപ്പിന്റെ കീഴിൽ പ്രവർത്തിച്ചു വന്നിരുന്ന വിമാനത്താവളമാണ് കൊല്ലം വിമാനത്താവളം. തുടർന്ന് 1932-ൽ തിരുവനന്തപുരം അന്താരാഷ്ട്ര വിമാനത്താവളം പ്രവർത്തനമാരംഭിച്ചതോടെ ഇതിന്റെ ഉപയോഗം കുറഞ്ഞു. നിലവിൽ ഇവിടെ ഫ്ലൈയിങ്ങ് അക്കാദമി സ്ഥാപിക്കാനുള്ള പദ്ധതികൾ ആവിഷ്കരിച്ചിട്ടുണ്ട്.

തിരുവിതാംകൂറിലെ ആദ്യത്തെ വിമാനത്താവളമാണ് ആശ്രാമം വിമാനത്താവളം.^[1] 1932-ൽ വിമാനത്താവളം നിർമ്മിച്ചു. 1936-ൽ ഇവിടെ രണ്ടു വിമാനങ്ങൾ പറന്നിറങ്ങി. അക്കാലത്ത് അതൊരു വലിയ സംഭവമായിരുന്നു. വിമാനം കാണുവാൻ മധ്യതിരുവിതാംകൂറിന്റെ എല്ലാ ഭാഗത്തുനിന്നും ജനങ്ങളെത്തി. അഞ്ചു രൂപാ ടിക്കറ്റെടുത്തവർക്ക് വിമാനത്തിൽ പറക്കുവാൻ അവസരം ലഭിച്ചു.^[1]

രണ്ടു വിമാനങ്ങളിൽ ഒന്ന് ജലവിമാനമായിരുന്നുവെന്ന് പറയുന്നു. ഈ വിമാനം ആശ്രാമം മൈതാനത്തു നിന്ന് അഷ്ടമുടിക്കായലിലേക്ക് ഇറങ്ങി നീന്തിയെന്നാണ് ചരിത്രകാരന്മാർ രേഖപ്പെടുത്തിയിട്ടുള്ളത്.^[1] കൊല്ലത്തെ എച്ച് ആൻഡ് സിയിലെ ബ്രിട്ടീഷ് ഉദ്യോഗസ്ഥരാണ് അന്ന് വിമാനം കൊണ്ടുവന്നത്. പിന്നെയും ധാരാളം ചെറുവിമാനങ്ങൾ ആശ്രാമം മൈതാനത്തു പറന്നിറങ്ങി. കാലക്രമേണ ആശ്രാമം വിമാനത്താവളത്തിന്റെ പ്രധാന്യം കുറഞ്ഞുവന്നു.

• ഇന്ത്യയിലെ അന്താരാഷ്ട്രവിമാനത്താവളങ്ങളുടെ പട്ടിക
• ഇന്ത്യയിലെ വിമാനത്താവളങ്ങളുടെ പട്ടിക

വിമാനത്താവളങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക.