L'ancian nom era Attanum, [latinizacion] de 700. Las fòrmas ancianas son Sancto Aredio, a l'epòca merovingiana, Sancti Aredii en 1251. La prononciacion es [sɛ̃t i'ɾjɛj] [1].
Lo nom de la vila s'explica per Aredius (en latin), fondator e abat dau monastier [2],[3],[1].
Lo determinant usitat en francés ven dau latin pertica, « gita, giton, cepa, raijaiòt », explicat per un bòsc d'aubres jòunes [1].
Lo nom ancian s'explica per un nom gallic d'òme Atto, emb lo sufixe latin -anum[1], o segon Xavier Delamarre, per un etime Attānon, la propietat d'*Attānos (Attanius atestat) [4].
La Tour du Plô (en francés), au centre vila, es lo nom d'una anciana plaça, en occitan plan, dau latin planum, qu'a lo sens de plaça de vila o de « plateu », en montanha [1].
Istòria
La vila èra la villa d'Attanum dins l'Antiquitat. Sant Arèdi d'Atan (Arèdi es una fòrma mieja-sabenta e *Atan es una fòrma bastida artificialament, non pas per lo segle VI, probablament, *Atano, mas per l'epòca occitana), apelat de costuma Sant Iriès o Iriès de Lemosin, en latin Aredius (nascut c. 511 a Lemòtges - mort lo 25 d'aost de 591 a Attanum, la futura vila de Sent Iriès) fuguèt un religiós lemosin deu segle VI que contribuèt a evangelizar son país natau.
.svg){kind=small}
