துடுப்பாட்ட உலகக்கிண்ண இறுதிப் போட்டி 2015
2015 துடுப்பாட்ட உலகக் கோப்பையின் இறுதிப் போட்டி 29 மார்ச் 2015 அன்று ஆத்திரேலியாவின் மெல்போர்னில் உள்ள மெல்போர்ன் துடுப்பாட்ட மைதானத்தில் நடந்தது. இது போட்டியின் இரண்டு இணை நடத்துனர்களான நியூசிலாந்து மற்றும் ஆத்திரேலியா இடையே விளையாடப்பட்டது. பலமான அணியாகக் கருதப்பட்ட ஆத்திரேலியா [2][3] இந்தப்போட்டியில் 7 இலக்குகளால் வெற்றியீட்டி தமது ஐந்தாவது உலகக் கோப்பைய வென்றது. 93,013 பார்வையாளர்கள் முன்னிலையில் இந்தப் போட்டி நடைபெற்றது. இது ஆத்திரேலியாவில் ஒருநாள் துடுப்பாட்டத்தில் சாதனை படைத்தது. பின்னணிநியூசிலாந்தின் முதல் உலகக் கோப்பை இறுதிப் போட்டி இதுவாகும்.[4] அவர்கள் இதற்கு முன்பு 1975 மற்றும் 2011 க்கு இடையில் ஆறு முறை அரையிறுதியில் தோற்றுள்ளனர். ஆத்திரேலியா தனது ஏழாவது இறுதிப் போட்டியில் விளையாடியது. இதுவரை நான்கில் ( 1987, 1999, 2003 மற்றும் 2007 ) வெற்றி பெற்று இரண்டில் ( 1975, 1996 ) தோல்வியடைந்திருந்தது. இந்த போட்டி ஆத்திரேலிய அணித்தலைவர் மைக்கல் கிளார்க் (போட்டிக்கு முன்பே ஓய்வு பெறுவதாக அறிவித்தார்),[5] பிராட் ஆடின்,[6] மற்றும் நியூசிலாந்தின் டேனியல் வெட்டோரி,[7] ஆகியோரின் கடைசி ஒருநாள் சர்வதேசப் போட்டியாகவும் இருந்தது. ஆடினும் வெட்டோரியும் போட்டிக்குப் பிறகு தங்கள் ஓய்வை அறிவித்தனர்.
போட்டி.jpg) போட்டி அதிகாரிகள்போட்டியின் நடுவராக இலங்கையின் குமார் தர்மசேனா மற்றும் இங்கிலாந்தின் ரிச்சர்ட் கெட்டில்பரோ ஆகியோர் இருந்தனர். இருவரும் பன்னாட்டுத் துடுப்பாட்ட அவையின் மேற்றட்டு நடுவர் குழுவின் உறுப்பினர்களாக இருந்தனர்.[12] கெட்டில்பரோ 2013 மற்றும் 2014 ஆம் ஆண்டின் ஐசிசி நடுவராக தேர்ந்தெடுக்கப்பட்டார் [13] தர்மசேனா 2012 இல் விருதை வென்றார் [14] 1996 ஆம் ஆண்டு அவுஸ்திரேலியாவுக்கு எதிரான இறுதிப் போட்டியில் வெற்றி பெற்ற இலங்கை அணியில் தர்மசேனா இடம்பெற்றிருந்தார்; மேலும் இறுதிப் போட்டியில் வீரராகவும் நடுவராகவும் இடம்பெற்ற முதல் நபர் ஆனார்.[12] போட்டியின் தீர்ப்பாளராக இலங்கை வீரர் ரஞ்சன் மதுகல்லேயும், தொலைக்காட்சி நடுவராக தென்னாபிரிக்காவின் மராயிஸ் எராஸ்மஸ், நான்காவது நடுவராக இங்கிலாந்து அணியின் முன்னாள் சர்வதேச ஒருநாள் கிரிக்கெட் வீரர் இயன் கோல்ட் ஆகியோர் நியமிக்கப்பட்டனர்.[12] விவரங்கள் நாணயச்சுழற்சியில் வென்ற நியூசிலாந்து துடுப்பெடுத்தாடத் தீர்மானித்தது. மிட்செல் ஸ்டார்க் வீசிய முதல் ஓவரின் ஐந்தாவது பந்தில் பிரண்டன் மெக்கல்லம் ஆட்டமிழந்தார். மெதுவாக முன்னேறி 12 நிறைவுகளில் 2 இலக்குகள் இழப்புக்கு 38 ஓட்டங்கள் எடுத்திருந்த நேரத்தில் இரண்டாவது இலக்காக மார்ட்டின் கப்டில் ஆட்டமிழந்தார். கேன் வில்லியம்சன் 12 ஓட்டங்களில் மிட்செல் ஜான்சனின் அடுத்த ஓவரில் பிடி கொடுத்து ஆட்டமிழந்தார். ஆட்டத்தின் பாதியில் நியூசிலாந்து 3 இலக்கு இழப்புக்கு 93 ஓட்டங்களுடன் இருந்தது. கிராண்ட் எலியட் 39 ஓட்டங்களுடனும், ராஸ் டெய்லர் 20 ஓட்டங்களுடனும் இருந்தனர். டெய்லர் 36 வது ஓவர் நிறைவு வரை நீடித்து 40 ஓட்டங்களில் ஜேம்ஸ் பால்க்னரின் பந்துவீச்சில் பிடிகொடுத்து ஆட்டமிழந்தார். 36 நிறைவுகளில் நியூசிலாந்து 5 இலக்குகள் இழப்புக்கு 150 ஓட்டங்கள் எடுத்த நிலையில், கோரி ஆண்டர்சனை ஓட்டமெதுவும் எடுக்காத நிலையில் ஆட்டமிழக்கச் செய்து பால்க்னர் தனது வெற்று நிறைவை மேம்படுத்தினார். ஸ்டார்க்கின் பந்துவீச்சில் லூக் ரோஞ்சி கிளார்க்கிடம் பிடி கொடுத்து ஓட்டமேதும் பெறாமல் ஆட்டமிழந்தார். டேனியல் வெட்டோரி 8 ஓட்டங்களுடன் ஆட்டமிழந்தார். நியூசிலாந்து 41 ஓவர்களில் 7 இலக்குகள் இழப்புக்கு 167 ஓட்டங்கள் எடுத்தது. அடுத்த நிறைவில் எலியட் 83 ஓட்டங்களுடன் பிராட் ஹாடினிடம் பிடிகொடுத்து பால்க்னரிடம் வீழ்ந்தார். மேட் ஹென்றி மற்றும் டிம் சவுத்தி இருவரும் 45ஆவது நிறைவில் ஆட்டமிழந்தனர். ஜான்சன் [15] பந்தில் ஹென்றி ஸ்டார்க்கிடம் பிடி கொடுத்தார். சவுதி ஓட்ட ஆட்டமிழப்பு ஆனார். நியூசிலாந்து மொத்தம் 183 ஓட்டங்களுக்கு ஆட்டமிழந்தது.[16] ஆஸ்திரேலியாவின் ஆரம்பமும் மோசமாகவே அமைந்தது. இரண்டாவது நிறைவில் ட்ரென்ட் போல்ட்டின் பந்துவீச்சில் ஆரோன் ஃபின்ச் பிடி கொடுத்து ஆட்டமிழந்தார். 10ஆவது நிறைவின் முடிவில், ஆத்திரேலியா 1 இலக்கு இழப்புக்கு 56 ஓட்ட்ங்கள் எடுத்திருந்தது. டேவிட் வார்னர் 39 ஓட்டங்களும், ஸ்டீவ் ஸ்மித் [17] 13 ஓட்டங்களும் பெற்றிருந்தனர். வார்னர் 13ஆவது நிறைவில் 45 ஓட்டங்களில் ஹென்றியின் பந்துவீச்சில் எலியட்டிடம் பிடி கொடுத்து ஆட்டமிழந்தார். ஆனால் ஆத்திரேலியா 20 நிறைவுகள் முடிவில் 2 இலக்குகள் இழப்புக்கு 98 ஓட்டங்களிலும், கிளார்க் 21 ஓட்டங்களிலும், ஸ்மித் 25 ஓட்டங்களிலும் உறுதியாக இருந்தனர். 30ஆவது நிறைவின் முடிவில், பெரும்பாலான பந்துகளை எதிர்கொண்ட கிளார்க் 57 ஓட்டங்களிலும், ஸ்மித் 47 ஓட்டங்களிலும் இருந்தனர். கிளார்க் 74 ஓட்டங்களுடன் ஹென்றியின் பந்துவீச்சில் 32ஆவது நிறைவில் ஆட்டமிழந்தார். ஆனால் அப்போது ஆத்திரேலியாவுக்கு 113 பந்துகளில் 9 ஓட்டங்கள் மட்டுமே தேவைப்பட்டன.[18] 34ஆவது நிறைவின் முதல் பந்தில் ஒரு நான்கு ஓட்டங்கள் அடித்து ஷேன் வாட்சன், போட்டியை ஏழு இலக்குகள் வித்தியாசத்தில் வென்றார்.[16] ஆத்திரேலிய அணித்தலைவர் கிளார்க், முன்னைய நவம்பர் மாதம் எகிறிப் பந்தால் கழுத்தில் தாக்கப்பட்டு இறந்த பிலிப் ஹியூஸுக்கு வெற்றியை அர்ப்பணித்தார்.[19] ஆட்ட விபரம்
இலக்குகள் வீழ்ச்சி: 1/1 (மெக்கலம், 0.5 நி), 2/33 (கப்டில், 11.2 நி), 3/39 (வில்லியம்சன், 12.2 நி), 4/150 (தெய்லர், 35.1 நி), 5/150 (ஆன்டர்சன், 35.3 நி), 6/151 (ரோங்கி, 36.2 நி), 7/167 (வெட்டோரி, 40.6 நி), 8/171 (எலியட், 41.5 நி), 9/182 (என்றி, 44.5 நி), 10/183 (சௌத்தி, 44.6 நி)
இலக்குகள் வீழ்ச்சி: 1/2 (பின்ச், 1.4 நி), 2/63 (வார்னர், 12.2 நி), 3/175 (கிளார்க், 31.1 நி)
மேற்கோள்கள்
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
