Азербайджанскі дзяржаўны акадэмічны драматычны тэатр

Азербайджанскі дзяржаўны акадэмічны драматычны тэатр, (азерб.: Azərbaycan Akademik Milli Dram Teatrı) — акадэмічны тэатр драмы ў Баку.

Гісторыя

Вытокі тэатральнага мастацтва азербайджанскага народа звязаны са старажытнымі народнымі святамі і скокамі. Элементы тэатральнасці ўтрымліваліся ў многіх відах народнай творчасці, якія суправаджалі народныя гулянні, традыцыйныя святы і інш. 10 сакавіку 1873 года пад кіраўніцтвам Гасан бека Зардабі і пры ўдзеле навучэнцаў Бакінскай рэальнай гімназіі ў адным з клубаў адбылося прадстаўленне — была паказана камедыя М. Ф. Ахундава «Візір ленкоранскага ханства». З гэтага прадстаўлення і бярэ пачатак прафесійны азербайджанскі тэатр. У 1919 годзе аб'ядноўваюцца разрозненыя трупы і тэатр атрымлівае статус дзяржаўнага.

У розныя гады азербайджанскі драматычны тэатр насіў розныя назвы: «Дзяржаўны тэатр», «Аб'яднаны дзяржаўны тэатр», «Азербайджанскі цюркскі драматычны тэатр» і інш У 1923—1933 гады тэатр насіў імя Дадаша Буніятзадэ, а ў 1933—1991 гадах імя Мешадзі Азізбекава. У 1991 годзе тэатр быў перайменаваны ў «Азербайджанскі дзяржаўны акадэмічны драматычны Тэатр».

Дзейнасць

У савецкі час у тэатры ігралі такія акцёры як Гусейн Араблінскі, Мухтар Дадашаў, Джахангір Зейналаў, Мірза ага Аліеў, Сідгі Рухула, Алескер Алекпераў, Адылаў Іскендэраў, Барат Шекінская, Лейла Бадырбейлі і многія іншыя вядомыя акцёры. У тэатры ставіліся спектаклі па творах Джафара Джабралы, Мірза Фаталі Ахундава, Алі бека Гусейнзаде, Наджаф бека Везірава, Гусейн Джавіда, Сабітаў Рахмана, Нарыман Нарыманова, Ільяса Эфендзіева, а таксама сусветных класікаў, такіх як Шэкспір, Шылер, Мальер, Дзюма, Віктор Гюго, Бальзака, Пушкіна, Лермантава, Талстога, Гогаля. Трупа тэатра неаднаразова была на гастролях у Маскве, Санкт-Пецярбургу, Казані, Тбілісі, Ташкенце, Ашгабадзе, у Турцыі, Германіі і на Кіпры. Некаторыя пастаноўкі тэатра былі ўдастоены дзяржаўнай прэміі СССР і Азербайджана.