Азярычынскі навучальна-педагагічны комплекс дзіцячы сад — базавая школа

Дзяржаўная ўстанова адукацыі «Азярычынскі навучальна-педагагічны комплекс дзіцячы сад — базавая школа» — установа сярэдняй адукацыі ў в. Азярычына Пухавіцкага раёна Мінскай вобласці.

Азярычынскія дзеці пачалі вучыцца ў 1875 годзе. У кастрычніку 1875 года працаваў Максім Разумаў, які меў педагагічную адукацыю, навучаліся 24 хлопчыкі.

У 1877 годзе, па рашэнню земства пабудавалі невялікае памяшканне, якое было перададзена пад школу. Памяшканне знаходзілася ў цяперашняй вёсцы Ленінск (ранейшая назва Астраўкі). З 1907 года школа называлася народным вучылішчам. У 1911 годзе настаўнікам, і выкладчыкам Закона Божага працаваў Язэп Багушэвіч, які закончыў Маладзечанскую духоўную семінарыю.

Пры Азярычынскай школе была невялікая бібліятэка, у якой знаходзілася некалькі экзэмпляраў розных твораў педагагічнага, рэлігійнага і гістарычнага зместу.

У 1911 годзе ў школе вучыліся 74 вучня, з іх — 59 хлопчыкаў і 15 дзяўчынак. У 1912 годзе пачалося будаўніцтва новага будынка школы і працягвалася 2 гады. У 1914 годзе новы будынак быў здадзены ў эксплуатацыю. У 1925 годзе школа была трохкамлектная з беларускай мовай навучання. У 1926 годзе школа стала чатырохкамплектнай. З 1925 да 1940, а затым з 1944 да 1945 года дырэктарам быў Рыгор Шэлег, ураджэнец вёскі Азярычына.

У сувязі з адкрыццём 1927 годзе школы ў Шалягах, Дубраўцы, Кухараўцы і Вераб’ёўцы, Азярычынская школа становіцца двухкамплектнай. У 1934 годзе школа ператворана ў няпоўную сярэднюю, працавала толькі шэсць класаў. Вучні сёмага класа хадзілі у Дудзічы ці Вузляны.

У 1938 годзе адбыўся першы выпуск Азярычынскай няпоўнай сярэдняй школы. Сямігадовую адукацыю атрымаў 21 чалавек.

У 1934—1941 гадах Азярычынскую сямігадовую школу закончыла 140 чалавек. Настаўнікамі тады працавалі Язэп Багушэвіч, муж і жонка Восіп і Ганна Яскульдовічы, сёстры Марыя і Ганна Адзярэйкі, Леакадзія Дарашкевіч, Сцяпан Палачанін, Марыя Зялёнка, Мікалай Грыбоўскі, Зінаіда Цюхай, Сяргей Пісарчык, муж і жонка Рыгор Шэлег і Лідзія Рабцэвіч.

У гады вайны галоўны будынак школы, пабудаваны яшчэ ў 1914 годзе, быў разбураны.

У 1952 годзе, дзякуючы дырэктару школы Пётру Пракаповічу, асноўнае памяшканне школы было ўзноўлена.

У 1954 годзе школа стала сярэдняй, ў школе былі адкрыты восьмы і дзявяты класы. У 1956 годзе адбыўся першы выпуск. Сярэднюю адукацыю атрымала 36 чалавек.

Восенню 1973 года ў праграму будаўніцтва школ Мінскай вобласці было ўнесена і будаўніцтва новай школы ў Азярычыне. Будоўля пачалася ў студзені 1974 года і працягвалася дзесяць месяцаў. Школа будавалася паводле праекту як тыпавая васьмігадовая на 320 месцаў, з 8 класнымі пакоямі і двума кабінетамі — фізікі і хіміі.

3 2004 школа мае назву « Азярычынская дзяржаўная агульнаадукацыйная дзіцячы сад-базавая школа» .

З 2011 года — Дзяржаўная ўстанова адукацыі «Азярычынскі навучальна-педагагічны комплекс дзіцячы сад-сярэдняя школа».

У 2013 годзе школа стала называцца Дзяржаўная ўстанова адукацыі «Азярычынскі навучальна-педагагічны комплекс дзіцячы сад-базавая школа» ^[1].

Азярычынскую школу наведваюць вучні з Вераб’ёўкі, Таварскіх, Кухараўкі, Ленінска, Узлян.

• Зміцер Санько — беларускі біёлаг, мовазнавец, выдавец, адзін з заснавальнікаў Таварыства беларускай мовы імя Францішка Скарыны^[2].

• Рыгор Шэлег (1925—1940, 1944—1945),
• Пётр Пракаповіч,
• Людміла Леанідаўна Бялевіч (з 2013).

• 24 кастрычніка 2015 года Азярычынская школа адзначыла 140 — годдзе сваёй дзейнасці. http://www.pukhovichi-roo.by/