Акустаэлектроніка — вобласць навукі і тэхнікі, якая вывучае і выкарыстоўвае ўзаемадзеянне высокачастотных (з частатой вышэй за 20 кГц) акустычных хваль з электрычным полем і электронамі ў цвёрдых целах. Існуюць тры асноўных эфекты акустаэлектронікі: электроннае паглынанне акустычных хваль, змена хуткасці акустычных хваль, акустаэлектрычны эфект.
Прымяненне
У радыёэлектронных сістэмах апрацоўкі і перадачы інфармацыі аб’ёмныя акустычныя хвалі выкарыстоўваюцца ў лініях затрымкі і кварцавых рэзанатарах для стабілізацыі частаты. Распрацаваны і шырока прымяняюцца прыборы на паверхневых акустычных хвалях: паласовыя фільтры, лініі затрымкі, паласовыя фільтры для тэлебачання, сінтэзатары частаты, узмацняльнік павярхоўнай акустычнай хвалі тыпу лямпы беглай хвалі, акуста-інжэкцыйны транзістар, прылада з пераносам зарада акустычнай хваляй, прылада счытвання малюнкаў, прылады памяці.
Літаратура
Воронов В. К., Подоплелов А. В. Физика на переломе тысячелетий: конденсированное состояние, 2-е изд. — М.: ЛКИ, 2012, 336 стр., ISBN 978-5-382-01365-7
