Алесандра Буанджорна

Алесандра Буанджорна
Алесандра Буанджорна
Агульная інфармацыя
Нарадзіўся	6 чэрвеня 1999 (26 гадоў); Турын, правінцыя Турын, П’емонт, Італія;
Грамадзянства	Італія;
Рост	1,94 м
Пазіцыя	абаронца
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ;
	Медыяфайлы на Вікісховішчы

Алесандра Буанджорна (італ.: Alessandro Buongiorno; нар. 6 чэрвеня 1999) — італьянскі футбаліст, цэнтральны абаронца клуба «Напалі» і нацыянальнай зборнай Італіі.

Кар’ера

Клубная

Буанджорна ёсць выхаванцам футбольнай школы «Тарына». 14 лютагу 2018 года абаронца склаў свой першы прафесійны кантракт з клубам, паводле якога заставаўся ў клубе да 2022 года^[2]. 4 красавіка 2018 года паклаў пачатак кар’еру ў Серыі А згуляўшы за «Тарына» ў матчы супраць «Кратонэ». У тым матчы абаронца выйшаў на замену на 82-й хвіліне, але праз пашкоджанне быў вымушаны сысці з гульнёвай пляцоўцы на 88-й хвіліне^[3]. Каб здабыць практыку, абаронца быў аддадзену ў арэнду ў клуб Серыі Б «Карпі», у складзе якога дэбютаваў 25 верасня 2018 года. Па вяртанні з арэнды Буанджорна не здолеў замацавацца ў камандзе і нават не з'яўляўся на полі. У выніку 11 студзеня 2020 года зноў выправіўся ў арэнду, далучыўшыся да яшчэ аднаго клуба Серыі Б «Трапані». У складзе каманды згуляў 13 матчаў.

Вярнуўшыся ў Турын, Буанджорна падоўжыў кантракт з клубам да 2024 года^[4]. 17 снежня 2020 года ён згуляў свой першы матч як ігрок пачатковага складу ў матчы Серыі А супраць «Ромы»^[5]. У наступным сезоне, з прыходам на трэнерскую пасаду Івана Юрыча, ігрок пачаў больш рэгулярна з'яўляцца ў каманднай абароне, якая цяпер складалася з трох чалавек^[6]. Буанджорна стаў футбалістам першай адзінаццатцы ў сезоне 2022—2023 гадоў. Матч супраць «Сасуола», які адбыўся 17 верасня 2022 года, згуляў у якасці капітана^[7]. 3 мая 2023 года забіў свой першы гол у італьянскай лізе, адзначыўшыся ў пераможным матчы супраць «Сампдорыі» ў Генуі (0:2)^[8]. 13 ліпеня 2024 года абаронца далучыўся да «Напалі», што каштавала неапальскаму клуба 35 мільёнаў еўра і 5 мільёнаў еўра ў дадатак у якасці бонусаў^[9]. З «Напалі» ігрок склаў працоўны дагавор тэрмінам на пяць гадоў^[10].

Міжнародная

17 сакавіка 2023 года Буанджорна быў упершыню выкліканы ў нацыянальную зборную Італіі на два адборачныя матчы чэмпіянату Еўропы 2024 года супраць зборных Англіі і Мальты^[11]. Аднак ігрок дэбютаваў толькі 18 чэрвеня ў матчы за трэцяе месца ў Лізе нацый 2022—2023 гадоў супраць зборнай Нідэрландаў, які скончыўся на карысць італьянцаў з лікам 3:2^[12].