Джанлука Скамака

Джанлука Скамака
Джанлука Скамака
Агульная інфармацыя
Нарадзіўся	1 студзеня 1999 (26 гадоў); Рым, правінцыя Рым, Лацыа, Італія;
Грамадзянства	Італія;
Рост	195 см
Вага	85 кг
Пазіцыя	нападаючы
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ;
	Медыяфайлы на Вікісховішчы

Джанлу́ка Скама́ка (італ.: Gianluca Scamacca; нар. 1 студзеня 1999) — італьянскі футбаліст, нападнік клуба «Аталанта» і нацыянальнай зборнай Італіі.

Кар’ера

Клубная

Выхаванец футбольных акадэмій рымскіх клубаў «Лацыа» і «Ромы». Аднак, яшчэ падлеткам трапіў у Нідэрланды, дзе навучаўся ў акадэміі эйндховенскага клуба ПСВ^[2]. У моладзевай камандзе клуба дэбютаваў у другім дывізіёне нідэрландскага чэмпіянату.

У студзені 2017 года вярнуўся на радзіму, узгодніўшы працоўны дагавор з клубам «Сасуола» тэрмінам на чатыры з паловай гады^[3]. 29 кастрычніка дэбютаваў у Серыі А, згуляўшы матч супраць «Напалі». У элітным дэвізіёне юнак не даў рады, таму выправіўся на пачатку 2018 года ў арэнду ў клуб Серыі Б «Крэманезэ»^[4]. Сезон 2018—2019 гадоў згуляў у Эрэдывізіі, абараняючы колеры «Зволе»^[5]. Пасля ў арэндзе правёў наступныя гады ў «Асколі» і «Джэноа». Улетку 2021 года вярнуўся ў «Сасуола», дзе склаў выніковую тройцу з Даменіка Берардзі і Джакама Распадоры. 17 кастрычніка нападнік адзначыўся дублем у браму былога клуба «Джэноа», а агулам за сезон уключыў 16 галоў у браму супернікаў.

Такі ўхвальны сезон вымусіў англійскі «Вест Хэм Юнайтэд» набыць іграка за 30,5 мільёнаў фунтаў. Паводле дагаворы пры пэўных варунках італьянцы мусілі атрымаць яшчэ дадаткова 5 мільёнаў фунтаў. Дэбютаваў у Вялікабрытаніі 7 жніўня 2022 года ў матчы супраць «Манчэстэр Сіці»^[6]. Аднак, поспеху італьянцу бракавала, пагатоў ён яшчэ атрымаў траўму калена, якая вымагала медыцынскай аперацыі. 7 жніўня 2023 года нападнік далучыўся да «Аталанты». Ужо 2 верасня Скамака адзначыўся дублем у браму «Монцы»^[7]. 11 красавіка 2024 года спрычыніўся да разгрому англійскага «Ліверпула» на яго полі ў матчы Лігі Еўропы. Ігрок двойчы пацэліў мяч у браму мерсісайдцаў, а выніковы лік 0:3, даў магчымасць атрымаць перавагу перад другім матчам двубою.

Міжнародная

Дэбютаваў у складзе нацыянальнай зборнай Італіі 8 верасня 2021 года ў адборачным матчы да чэмпіянату Еўропы 2022 года супраць зборнай Літвы. Ігрок з'явіўся на пляцоўцы ў другім тайме, замяніўшы Федэрыка Бернардэскі^[8]. 17 кастрычніка 2023 года ўключыў свой першы гол за каманду ў матчы супраць зборнай Англіі, але апенінцы зведалі паражэнне ў тым матчы з лікам 3:1.