Аляксандр Ільіч Селязнёў

Аляксандр Ільіч Селязнёў (1956, в. Тукалава Жаркоўскага раёна, Калінінская вобласць, РСФСР) — беларускі дзяржаўны дзеяч, былы міністр архітэктуры і будаўніцтва Беларусі (2006—2010).

Нарадзіўся ў 1956 годзе ў д. Тукалава Жаркоўскага раёна Калінінскай вобласці (Расія).

Працоўную дзейнасць пачаў у 1973 годзе ў будаўнічай вобласці (сталяр мэблевай фабрыкі, майстар, прараб, галоўны інжынер).

У 1986—1989 гадах — інструктар аддзела будаўніцтва, загадчык сектара сельскага і дарожнага будаўніцтва, інспектар пры сакратарыяце Магілёўскага абкама КПБ.

У 1989—1994 гадах — намеснік старшыні па вытворчасці, намеснік старшыні праўлення магілёўскага «Аблсельбуду».

У 2001 годзе быў прызначаны кіраўніком Апарату Савета міністраў Рэспублікі Беларусь.

З 5 мая 2006 — міністр архітэктуры і будаўніцтва^[1].

27 снежня 2010 года Савет Міністраў Рэспублікі Беларусь склаў паўнамоцтвы перад новаабраным прэзідэнтам і Аляксандр Селязнёў зышоў у адстаўку^[2].

• Аляксандр Селязнёў: "Шаную прыстойнасць. Абавязковасць. Прафесіяналізм" (руск.)(недаступная спасылка) (6 верасня 2014). Архівавана з першакрыніцы 20 верасня 2014. Праверана 9 чэрвеня 2015.