Анатоль Васілевіч Макараў

Анатоль Макараў
Поўнае імя	Анатоль Васілевіч Макараў
Нарадзіўся	10 красавіка 1996(1996-04-10)[1] (29 гадоў) Ратамка, Ждановіцкі сельсавет, Мінскі раён, Мінская вобласць, Беларусь[1]
Грамадзянства	Беларусь
Рост	183 см[2]
Вага	68 кг[2]
Пазіцыя	паўабаронца
Інфармацыя пра клуб
Клуб	Сочы
Нумар	88
Клубная кар’ера[* 1]
2013—2018 Тарпеда-БелАЗ (Жодзіна) 0 (0) 2018 →  Слонім-2017 26 (3) 2019—2020 Смалявічы 53 (8) 2021—2023 Тарпеда-БелАЗ (Жодзіна) 41 (0) 2023—2024 Арсенал (Тула) 31 (2) 2024— Сочы
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 ліпеня 2024.

Анатоль Макараў (нар. 10 красавіка 1996, Ратамка) — беларускі футбаліст, паўабаронца расійскага клуба «Сочы».

Выхаванец жодзінскага «Тарпеда-БелАЗ», з 2013 года гуляў за дубль клуба, дзе з часам замацаваўся ў складзе. У 2015 годзе зрэдку трапляў у заяўку асноўнай каманды, але на поле не выйшаў. У лютым 2018 года разам з братам Сцяпанам на правах арэнды далучыўся да «Слоніма-2017», дзе неўзабаве стаў адным з асноўных ігракоў.

У лютым 2019 года перайшоў у «Смалявічы». Стаў іграком стартавага складу і дапамог камандзе выйсці ў Вышэйшую лігу. У 2020 годзе заставаўся асноўным іграком каманды ў Вышэйшай лізе, аднак не здолеў выратаваць «Смалявічы» ад вылету. У снежні 2020 года па заканчэнні кантракта пакінуў клуб^[3].

У студзені 2021 года вярнуўся ў «Тарпеда-БелАЗ»^[4]. У сезоне 2021 пераважна выхадзіў на замену, у 2022 годзе стаў часцей з’яўляцца ў стартавым складзе каманды. У пачатку 2023 года заставаўся на лаўцы запасных, пасля з-за забароны Міністэрства спорту і турызму быў выключаны з заяўкі клуба і не прымаў удзел у афіцыйных матчах.

У ліпені 2023 года падпісаў кантракт з тульскім «Арсеналам»^[5]. У чэрвені 2024 года пакінуў тульскі клуб^[6] і неўзабаве стаў іграком «Сочы»^[7].

• Уладальнік Кубка Беларусі: 2023

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[8].