Першая ліга чэмпіянату Беларусі па футболе 2019

Першая ліга чэмпіянату Беларусі па футболе 2019 29-ы чэмпіянат Беларусі па футболе ў першай лізе
Падрабязнасці чэмпіянату
Час правядзення	13 красавіка — 24 лістапада
Колькасць удзельнікаў	15
Гарады	15
Стадыёны	15
Прызавыя месцы
Чэмпіён	Белшына (Бабруйск) (4-ы раз)
Другое месца	Смалявічы
Трэцяе месца	Рух (Брэст)
Статыстыка чэмпіянату
Наведвальнасць	81 800  (390 за гульню)
Згуляна матчаў	210
Забіта галоў	636  (3.03 за гульню)
Бамбардзір(ы)	Аляксандр Юшын (Белшына)  (26 мячоў)
← 2018 2020 →

Першая ліга чэмпіянату Беларусі па футболе 2019 (29-ы чэмпіянат Рэспублікі Беларусь па футболе ў Першай лізе) — другі па рангу дывізіён (пасля Вышэйшай лігі) па футболе сярод беларускіх каманд 2019-га года.

Амаль адразу сярод лідараў у табліцы апынуліся «Смалявічы» і бабруйская «Белшына». Каманды здолелі захаваць сваё становішча і за некалькі тураў да фінішу забяспечылі выхад у Вышэйшую лігу, аднак лёс першага месца канчаткова вырашыўся толькі ў апошнім туры, перамога засталася за «Белшынай». У пачатку турніру сярод лідараў пэўны час ішлі рэчыцкі «Спадарожнік» і «Ліда», але пазней асноўную барацьбу за трэці радок павялі брэсцкі «Рух» і гомельскі «Лакаматыў». У выніку каманды набралі аднолькавую колькасць ачкоў, але па дадатковых паказчыках трэцім стаў «Рух». У стыкавых матчах за месца ў Вышэйшай лізе «Рух» па пенальці перамог магілёўскі «Дняпро» і таксама атрымаў павышэнне.

Пасля часовага скарачэння ў 2018 годзе колькасці ўдзельнікаў лігі да 15 планавалася вяртанне да складу ў 16 каманд. Найлепшыя каманды Першай лігі 2018 («Славія-Мазыр» і «Энергетык-БДУ») перайшлі ў Вышэйшую лігу, з Вышэйшай лігі ў Першую выбылі «Смалявічы» і «Дняпро». Апошні клуб Першай лігі 2018 «Чысць» выбыў з лігі, з Другой лігі права выступаць у Першай лізе 2019 атрымалі «Рух» і «Крумкачы», якія змянілі назву на НФК.

Аднак, у лютым 2019 года стала вядома пра аб’яднанне магілёўскага «Дняпра» з мінскім «Промнем», які выступаў у Вышэйшай лізе. Аб’яднаная каманда пад назвай «Дняпро» пакінула за сабой месца ў Вышэйшай лізе, на вакантнае месца ў Першай лізе быў запрошаны рэчыцкі «Спадарожнік», які ў сезоне 2018 заняў 3-е месца ў Другой лізе. У сакавіку 2019 года была праведзена жараб’ёўка турніру для 16 каманд, аднак у красавіку жыткавіцкі ЮАС, не атрымаўшы ліцэнзію на ўдзел у Першай лізе, быў выключаны з удзельнікаў і перайшоў у Другую лігу. У Першай лізе такім чынам засталося 15 каманд.

30 студзеня 2019 года была ўведзена новая схема ратацыі: дзве апошнія каманды Вышэйшай лігі 2019 наўпрост пакідаюць турнір, іх месца займаюць дзве найлепшыя каманды Першай лігі, а 14-я каманда Вышэйшай лігі праводзіць два дадатковых пераходных матчы з трэцяй камандай Першай лігі за месца ў Вышэйшай лізе на наступны сезон. У Другую ж лігу з Першай выбывае адна каманда, а две найлепшыя каманды Другой лігі пераходзяць у Першую.

• ▼ «Смалявічы» (15-е месца ў Вышэйшай лізе 2018)
• ▲ «Рух» (1-е месца ў Другой лізе 2018)
• ▲ «Крумкачы» (2-е месца ў Другой лізе 2018)
• ▲ «Спадарожнік» (3-е месца ў Другой лізе 2018)

• ▲ «Славія» (1-е месца ў Першай лізе 2018, выхад у Вышэйшую лігу)
• ▲ «Энергетык-БДУ» (2-е месца ў Першай лізе 2018, выхад у Вышэйшую лігу)
• ▼ ЮАС (10-е месца ў Першай лізе 2018, неатрыманне ліцэнзіі на сезон 2019 і пераход у Другую лігу)
• ▼ «Чысць» (15-е месца ў Першай лізе 2018, вылет у Другую лігу)

• «Крумкачы» змянілі назву на НФК (Мінск)

Баранавічы

Хваля

Граніт

Белшына

Орша

НФК

Смаргонь

Хімік

Лакаматыў

Ліда

Слонім-2017

Нафтан

Смалявічы

Спадарожнік

Рух

Геаграфія ўдзельнікаў сезона 2019

М	Каманда	Г	В	Н	П	Мячы	±	А	Заўвагі
1	Белшына (Бабруйск)	28	21	5	2	74 − 22	+52	68	Выхад у Вышэйшую лігу
2	Смалявічы	28	19	7	2	60 − 15	+45	64
3	Рух (Брэст)	28	15	11	2	65 − 26	+39	56	Стыкавыя матчы
4	Лакаматыў (Гомель)	28	17	5	6	60 − 24	+36	56
5	Нафтан (Наваполацк)	28	13	8	7	58 − 43	+15	47
6	Спадарожнік (Рэчыца)	28	13	6	9	46 − 36	+10	45
7	Ліда	28	12	8	8	49 − 32	+17	44
8	НФК (Мінск)	28	11	7	10	41 − 38	+3	40
9	Граніт (Мікашэвічы)	28	9	8	11	38 − 41	−3	35
10	Орша	28	9	4	15	33 − 61	−28	31
11	Хімік (Светлагорск)	28	7	5	16	26 − 59	−33	26
12	Хваля (Пінск)	28	5	6	17	29 − 49	−20	21
13	Слонім-2017	28	4	9	15	18 − 47	−29	21
14	Смаргонь	28	4	6	18	27 − 63	−36	18
15	Баранавічы	28	2	3	23	12 − 80	−68	9	Вылет у Другую лігу

Г — гульні, В — перамогі, Н — нічыі, П — паражэнні, Галы — забітыя і прапушчаныя галы, ± — розніца галоў, А — ачкі

Прыведзены вынікі ўсіх матчаў, згуляных на 23 лістапада 2019
Крыніца: football.by
¹ Каманда, якая гуляе на хатнім стадыёне, паказана ў левым слупку.
Колеры: сіні = перамога гаспадараў; жоўты = нічыя; чырвоны = перамога гасцей.

Па выніках сезона брэсцкі «Рух» атрымаў права на стыкавыя матчы за месца ў Вышэйшай лізе супраць магілёўскага «Дняпро» (14-е месца ў Вышэйшай лізе). Па суме дзвюх сустрэч «Рух» атрымаў перамогу ў серыі пенальці і месца ў Вышэйшай лізе на наступны год.

5 снежня 2019 14:00	Рух (Брэст)	2:1 (0:0)	Дняпро (Магілёў)	Стадыён: Юнацтва, Брэст Гледачоў: 1100 Суддзя: Аляксей Кульбакоў (Гомель)
	У. Марозаў  68'  90+4'	football.by	62' М. Шыла

8 снежня 2019 14:00	Дняпро (Магілёў)	2:1 (0:0) (пен. 4:5)	Рух (Брэст)	Стадыён: Спартак, Магілёў Гледачоў: 3500 Суддзя: Дзяніс Шчарбакоў (Мінск)
	Р. Грыбоўскі  47' З. Марушыч  79' Дз. Яшын А. Залескі А. Бацішчаў З. Марушыч Ю. Казлоў А. Кац Я. Савасцьянаў	football.by	80' У. Марозаў І. Калпачук Я. Арашкевіч В. Дземідовіч М. Букаткін У. Марозаў Дз. Сібілёў Дз. Грачыха

№	Ігрок	Клуб	Галы
1	Аляксандр Юшын	Белшына	26
2	Дзмітрый Іваноў	Орша	17
3	Яўген Барсукоў	Смалявічы	15
-	Іван Верас	Граніт	15
5	Андрэй Салавей	Лакаматыў	13
6	Вадзім Дземідовіч	Рух	12
-	Дзяніс Казлоўскі	Лакаматыў	12
-	Андрэй Лясюк	Белшына	12
9	Дзмітрый Тамела	Нафтан	11
-	Дзмітрый Гомза	Смалявічы	11
11	Мікалай Зянько	Ліда	10

Крыніца: Football.By

• Профіль на сайце kick-off.by (руск.)
• Профіль на сайце football.by (руск.)