Анатоль Нілавіч Куляшоў

Анатоль Нілавіч Куляшоў
Анатоль Нілавіч Куляшоў
	2 чэрвеня 2009 — 11 мая 2012
Прэзідэнт	Аляксандр Рыгоравіч Лукашэнка
Кіраўнік урада	Сяргей Сяргеевіч Сідорскі ; (2009—2010) ; Міхаіл Уладзіміравіч Мясніковіч ; (2010—2012)
Папярэднік	Уладзімір Уладзіміравіч Навумаў
Пераемнік	Ігар Анатолевіч Шуневіч
Нараджэнне	25 ліпеня 1959 (65 гадоў); Алі-Байрамлы, Азербайджанская ССР, СССР;
Адукацыя	Акадэмія Міністэрства ўнутраных спраў Рэспублікі Беларусь;
Ваенная служба
Прыналежнасць	СССР
Званне	Генерал-лейтэнант

Анатоль Нілавіч Куляшоў (нар. 25 ліпеня 1959, Алі-Байрамлы, Азербайджанская ССР, СССР^[1]) — міністр унутраных спраў Беларусі, генерал-лейтэнант.

Біяграфія

Скончыў Мінскую школу міліцыі, а таксама Акадэмію МУС СССР^[1]. У ворганах унутраных спраў пачаў працаваць упаўнаважаным па аператыўнай працы. Прайшоў шлях да намесніка начальніка ўпраўлення крымінальнага вышуку Мінска; затым узначальваў міліцыю Заводскага і Фрунзенскага раёнаў сталіцы.

У 2001 годзе быў начальнікам упраўлення ўнутраных спраў Гомельскай вобласці.

У 2003-2008 гг. — начальнікам упраўлення ўнутраных спраў Мінска. Кіраваў разгонам вулічных шэсцяў, аднак уступаў у перамовы з іх арганізатарамі. Курыраваў расследаванне выбуху, што адбыўся ў сталіцы 4 ліпеня 2008 г^[1].

З 29 жніўня^[2] да снежня 2008 — намеснік міністра ўнутраных спраў — начальнік міліцыі грамадскай бяспекі.

З 4 снежня 2008 г.^[3] па красавік 2009 гг. — першы намеснік міністра ўнутраных спраў — начальнік крымінальнай міліцыі Беларусі.

6 красавіка 2009 г. яго прызначылі выконваць абавязкі міністра ўнутраных спраў, 2 чэрвеня 2009 — прызначаны міністрам унутраных спраў^[4].

11 мая 2012 г. прэзідэнт А. Лукашэнка вызваліў Анатоля Куляшова ад пасады міністра ўнутраных спраў Беларусі з залічэннем яго ў распараджэнне МУС. У студзені 2013 г. заняў пасаду дарадца ў Выканаўчым камітэце Садружнасці Незалежных Дзяржаў.

Санкцыі ЕС

2 лютага 2011 года трапіў у спіс беларускіх чыноўнікаў, якім забаронены ўезд на тэрыторыю ЕС^[5]. У абгрунтаванні Еўрапейскага савета было ўказана, што Куляшоў актыўна ўдзельнічаў у рэпрэсіях супраць грамадзянскай супольнасці ў Беларусі і як міністр унутраных справаў камандаваў войскамі, якія жорстка здушылі мірныя дэманстрацыі 19 снежня 2010 года ды праявілі гонар за гэтую адказнасць^[6].