Андалоўшчына

Андалоўшчына
Краіна	Беларусь
Вобласць	Мінская
Раён	Вілейскі
Сельсавет	Людвіноўскі
Каардынаты	54°35′41″ пн. ш. 27°14′40″ у. д.HGЯO
Насельніцтва	▼13 чал. (2019);
Часавы пояс	UTC+3
Тэлефонны код	+375 1771
Паштовыя індэксы	222429
Аўтамабільны код	5
СААТА	6213834006

Андало́ўшчына^[1] (трансліт.: Andaloŭščyna, руск.: Андоловщина) — вёска ў Вілейскім раёне Мінскай вобласці. Уваходзіць у склад Людвіноўскага сельсавета. Знаходзіцца за 27 км на паўночны ўсход ад горада Вілейка, 14 км ад чыг. ст. Княгінін на лініі Маладзечна—Полацк, 127 км ад Мінска.

Гісторыя

У 1765 годзе вёска ў Ашмянскім павеце Вялікага Княства Літоўскага, уласнасць віленскага езуіцкага касцёла св. Яна, 4 двары.

Пасля 2-га падзелу Рэчы Паспалітай (1793) у Расійскай імперыі. У 1800 годзе ў Вілейскім павеце Мінскай губерні, уласнасць генерал-маёра П. Бардакова. У канцы ХІХ ст. ў Княгінінскай воласці Вілейскага павета Віленскай губерні; у пач. ХХ ст. 253 дзесяцін зямлі.

З 1921 года вёска ў складзе Польскай Рэспублікі, належала да Віленскага ваяводства, Вілейскага павета, гміны Касцяневічы^[2].

З лістапада 1939 года ў БССР, з 15 студзеня 1940 года ў Куранецкім раёне Вілейскай вобласці, з 12 кастрычніка 1940 года ў Касцяневіцкім сельсавеце. З 25 чэрвеня 1941 да 3 ліпеня 1944 года акупіравана нацыстамі. З 20 верасня 1944 года ў Куранецкім, з 5 ліпеня 1946 года ў Вілейскім раёнах Маладзечанскай, з 20 студзеня 1960 года Мінскай абласцей. Землі знаходзіліся ў складзе калгаса «Беларускі».

Насельніцтва

1800 год — 77 жыхароў, 8 двароў.
1897 год — 127 жыхароў.
1908 год — 154 жыхары.
1921 год — 156 жыхароў, 34 двары^[3].
1931 год — 159 жыхароў, 37 двароў^[4].
1988 год — 14 жыхароў, 7 двароў.
2008 год — 24 жыхары, 15 гаспадарак.

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 58.
↑ Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 84.
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 62