Беларуска-расійскі слоўнічак Каспяровіча

Беларуска-расійскі слоўнічак Каспяровіча
Аўтар	Мікалай Іванавіч Каспяровіч
Мова арыгінала	беларуская
Выдавецтва	Віцебскае акруговае таварыства краязнаўства
Выпуск	1925
Месца публікацыі	Віцебск

«Беларуска-расійскі слоўнічак» — перакладны слоўнік, складзены краязнаўцам Мікалаем Каспяровічам. Выдадзены ў 1925 годзе ў Віцебску Віцебскім акруговым таварыствам краязнаўства тыражом 2500 асобнікаў^[1]. Змяшчае каля 1,5 тысяч слоўнікавых артыкулаў^[2].

Побач з агульнаўжывальнымі беларускімі літаратурнымі словамі даволі часта сустракаюцца і навуковыя тэрміны штучнага ўтварэння, і вузкамясцовыя дыялектызмы^[1].

Паводле сведчання самога аўтара, слоўнік быў укладзены на матэрыяле выпускаў «Беларускай навуковай тэрміналогіі» (1922—1924), «Невялічкага беларуска-маскоўскага слоўніка» (1921) Максіма Гарэцкага, «Беларускага лемантара» (1922) Сцяпана Некрашэвіча і паслякастрычніцкай беларускай мастацкай літаратуры^[1].

На думку І. Германовіча, слоўны пераклад на рускую мову зроблены ўдала, і толькі ў асобных выпадках дапушчаныя сэнсавыя недакладнасці. Слоўнік адыграў станоўчую ролю ў справе беларусізацыі навучальных і культурна-грамадскіх устаноў Віцебшчыны, толькі што ўключанай у склад БССР^[1].

• Беларуска-расійскі слоўнічак / М. І. Каспяровіч. — Віцебск : выданне Віцебскага акруговага таварыства краязнаўства, 1925. — 55, [1] с. ; 18 см. — 2500 экз.

• Іван Германовіч. Мікола Каспяровіч. Жыццё і дзейнасць // Пра час «Узвышша». Матэрыялы навуковых канферэнцый, узвышаўскіх чытанняў (Мінск. 1999—2002) / Рдкал.: Г. В. Запартыка (гал. рэд.) і інш. — Мн.: БелНДІДАС. 2002 — С. 53—58. — 167 с.

• Беларуска-расійскі слоўнічак Каспяровіча
• Беларуска-расійскі слоўнічак Каспяровіча на «Беларускай Палічцы» (бел.)