Вуліца Касманаўтаў (Магілёў)

Касманаўтаў
Магілёў
Касманаўтаў; Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	3,1 км
Ранейшыя назвы	Какінакі
	Медыяфайлы на Вікісховішчы

Вуліца Касманаўтаў (руск.: улица Космонавтов) — вуліца, адна з галоўных транспартных магістралей у заходняй частцы Магілёва. Размешчана ў Ленінскім раёне.

Гісторыя

Першапачаткова насіла назву Какінакі. Сучаснае аблічча вуліцы пачало складваецца з 1960-х гадоў. У 1961 годзе названа ў гонар савецкіх касманаўтаў.

Размяшчэнне

На большай частцы даўжыні арыентавана з паўночнага ўсходу на паўднёвы захад, ад плошчы Касманаўтаў — з паўночнага захаду на паўднёвы ўсход. Пачынаецца ад скрыжавання з праспектам Міру і вуліцай Якубоўскага, перасякае вуліцу Лазарэнкі, вуліцу Заслонава і Гаражны завулак, на скрыжванні з якімі размешчана плошча Касманаўтаў, пасля скрыжавання з вуліцай Чалюскінцаў, на якім узведзена двухузроўневая развязка, пераходзіць у праспект Шміта. Таксама з паўднёва-ўсходняга боку да вуліцы прымыкаюць завулкі Ламакі, Мічурына, Белякова, вуліцы Пакрышкіна, Расковай, завулак Сонечны, вуліцы Шпітальная, Сенная, завулак Сенны, вуліцы Панфілаўская, Пугачова, Раманава, Чырвонага Флоту. Даўжыня вуліцы складае каля 3,1 км.

Забудова

Забудову фарміруюць 5-, 9-павяховыя, пераважна жылыя, дамы, на частцы вуліцы захавалася забудова 1-павярховымі жылымі дамамі сядзібнага тыпу.

Няцотны бок

№ 1 — вучэбны корпус № 1 Магілёўскага дзяржаўнага ўніверсітэта імя А. А. Куляшова.
№ 3 — сталовая МДУ імя А. А. Куляшова.
№ 7 — Магілёўскі дзяржаўны бібліятэчны каледж імя А. С. Пушкіна.
№ 15 — Архітэктурна-будаўнічы каледж.
№ 21 — інтэрнат № 3 МДУ імя А. А. Куляшова.
№ 27 — вытворчае ўнітарнае прадпрыемства «Метыз».
№ 27а — Дом культуры ўнітарнага прадпрыемства «Метыз».
№ 37 — Магілёўхлебапрадукт.
№ 41а — Магілёўскі прафесійны ліцэй № 5.
№ 45 — інтэрнат ДУК Джэп Магілёўаблсельбуд.

Цотны бок

Зноскі

Літаратура

Космонавтов улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.