Вячаслаў Сяргеевіч Камінскі

Вячаслаў Камінскі
Вячаслаў Камінскі
Поўнае імя	Вячаслаў Сяргеевіч Камінскі
Нарадзіўся	5 ліпеня 1988 (36 гадоў); Барысаў, Мінская вобласць, БССР, СССР;
Грамадзянства	Беларусь
Рост	192 см
Вага	88 кг
Пазіцыя	брамнік
Інфармацыя пра клуб
Клуб	Аўтазаводзец-Трактар
Клубная кар’ера
2024—	Аўтазаводзец-Трактар (Мінск)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 жніўня 2024. ;

Вячаслаў Камінскі (нар. 5 ліпеня 1988, Барысаў) — беларускі футбаліст, брамнік клуба «Аўтазаводзец-Трактар».

Клубная кар’ера

Пачынаў кар’еру ў мінскім «Лакаматыве», дзе гуляў за дубль, пазней выступаў у Другой лізе за «Маладзечна». У 2012 годзе перайшоў у «Смалявічы-СТІ» і разам з гэтым клубам выйграў Другую лігу. З 2013 года выступаў за смалявіцкі клуб у Першай лізе, але паступова саступіў месца асноўнага брамніка Аляксандру Чаркасу, і ўлетку 2014 года перайшоў у «Слонім».

У студзені 2015 года стаў трэніравацца з мазырскай «Славіяй», якую на той момант узначальваў былы трэнер «Смалявічаў-СТІ» Юрый Пунтус. У сакавіку падпісаў кантракт з клубам^[3]. Большую частку чэмпіянату 2015 гуляў за дубль, часам з’яўляючыся на лаўцы запасных асноўнай каманды. 31 кастрычніка 2015 года дэбютаваў у Вышэйшай лізе, правёўшы ўвесь матч супраць «Гомеля» (3:1).

У лютым 2016 года пакінуў «Славію»^[4] і неўзабаве далучыўся да складу «Оршы», дзе стаў асноўным брамнікам. У студзені 2017 года зноў быў запрошаны на прагляд у Мазыр^[5], аднак у выніку падпісаў кантракт з наваполацкім «Нафтанам»^[6]. Правёў за асноўную каманду «Нафтана» два матчы, пасля чаго ў чэрвені 2017 года пакінуў клуб^[7].

У жніўні 2017 года далучыўся да мінскага «Промня»^[8], але так і не згуляў за яго. У пачатку 2018 года зноў стаў іграком «Оршы», пакінуў каманду ў жніўні таго ж года^[9] і перайшоў у «Клецк».

У красавіку 2019 года папоўніў склад чысцінскага «Андэрдога», а ў жніўні таго ж года перайшоў у «Маладзечна»^[10]. Дапамог маладзечанскай камандзе па выніках сезона 2019 выйсці ў Першую лігу. У красавіку 2020 года далучыўся да «Астраўца», з якім на наступны год перамог у Другой лізе. У 2022 годзе гуляў за «Астравец» у Першай лізе, а ў чэрвені атрымаў цяжкую траўму, з-за якой выбыў на год. У 2023 годзе, пасля аднаўлення ад траўмы, стаў з’яўляцца на лаўцы запасных, але не поле не выхадзіў. У снежні 2023 года пакінуў «Астравец»^[11].

У пачатку 2024 года далучыўся да клуба «Аўтазаводзец-Трактар».

Дасягненні

Пераможца Другой лігі чэмпіянату Беларусі: 2021

Статыстыка выступленняў

Сезон	Дывізіён	Клуб	Матчы	Галы
2006	дубль	Лакаматыў	9	−9
2007	Д3	СКВІЧ	13	−12
2008	дубль	Лакаматыў	3	−1
2009	Д3	Маладзечна	22	−26
2010	Д3	Маладзечна	22	−39
2011	Д3	Забудова	29	−28
2012	Д3	Смалявічы-СТІ	17	−6
2013	Д2	Смалявічы-СТІ	15	−16
2014 (1)	Д2	Смалявічы-СТІ	6	−5
2014 (2)	Д2	Слонім	4	−8
2015	Д1	Славія	2	−4
2016	Д2	Орша	25	−28
2017 (1)	Д1	Нафтан	2	−4
2017 (2)	Д2	Прамень	0	0
2018 (1)	Д2	Орша	7	−12
2018 (2)	Д3	Клецк	8	−7
2019 (1)	Д3	Андэрдог	13	−10
2020	Д3	Астравец	20	1 / −25
2021	Д3	Астравец	21	−12
2022	Д2	Астравец	5	−7
2023	Д2	Астравец	0	0