Гарбавіцкі сельсавет (Калінкавіцкі раён)

Гарбавіцкі сельсавет
Краіна	Беларусь
Уваходзіць у	Калінкавіцкі раён
Уключае	7 населеных пунктаў
Адміністрацыйны цэнтр	Гарбавічы
Дата ўтварэння	20 жніўня 1924
Насельніцтва (2019)	1 598
Часавы пояс	UTC+03:00
Код аўтам. нумароў	3

Гарбаві́цкі сельсавет — адміністрацыйна-тэрытарыяльная адзінка ў складзе Калінкавіцкага раёна Гомельскай вобласці. Адміністрацыйны цэнтр — аграгарадок (да 2010 года вёска^[1]) Гарбавічы.

Утвораны 20 жніўня 1924 года як Антонаўскі сельсавет у складзе Калінкавіцкага раёна Мазырскай акругі БССР. Цэнтр — вёска Антонаўка. Пасля скасавання акруговай сістэмы 26 ліпеня 1930 года ў Калінкавіцкім раёне БССР. З 27 верасня 1930 года ў Мазырскім раёне БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці. З 3 ліпеня 1939 года ў Калінкавіцкім раёне Палескай вобласці, з 8 студзеня 1954 года — Гомельскай вобласці. 28 чэрвеня 1973 года перайменаваны ў Гарбавіцкі сельсавет, цэнтр перанесены ў вёску Гарбавічы^[2]. На 1 студзеня 1974 года ў складзе Гарбавіцкага сельсавета 4 населеныя пункты^[3]. 20 лютага 1975 года ў склад сельсавета з Сіродскага сельсавета перададзена вёска Рудня Гарбавіцкая^[4]. 15 верасня 2022 года на тэрыторыі сельсавета ўтвораны хутар Жараўка^[5].

Насельніцтва сельсавета паводле перапісу 2009 года — 1847 чалавек^[6], з іх 93,2 % — беларусы, 3,5 % — рускія, 2,0 % — украінцы^[7]; паводле перапісу 2019 года — 1598 чалавек^[8].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.