Якімавіцкі сельсавет

Якімавіцкі сельсавет
Краіна	Беларусь
Уваходзіць у	Калінкавіцкі раён
Уключае	6 населеных пунктаў
Адміністрацыйны цэнтр	Якімавічы
Дата ўтварэння	20 жніўня 1924
Насельніцтва (2019)	636
Часавы пояс	UTC+03:00
Код аўтам. нумароў	3

Які́мавіцкі сельсавет — адміністрацыйна-тэрытарыяльная адзінка ў складзе Калінкавіцкага раёна Гомельскай вобласці. Цэнтр — аграгарадок (да 2011 г. вёска^[1]) Якімавічы.

Утвораны 20 жніўня 1924 года ў складзе Калінкавіцкага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Калінкавіцкім раёне БССР. З 27 верасня 1930 года ў Мазырскім раёне БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці. З 3 ліпеня 1939 года ў Калінкавіцкім раёне Палескай вобласці, з 8 студзеня 1954 года — Гомельскай вобласці. У 1966 годзе ў склад Капліцкага сельсавета перададзена вёска Ямнае^[2]. 20 лютага 1975 года ў склад сельсавета з Міхнавіцкага сельсавета перададзена вёска Клінск^[3]. 26 верасня 2006 года да сельсавета далучана тэрыторыя скасаванага Міхнавіцкага сельсавета (вёскі Вецяльская і Міхнавічы)^[4].

Насельніцтва сельсавета паводле перапісу 2009 года — 860 чалавек^[5], з іх 96,4 % — беларусы, 2,1 % — рускія, 0,5 % — украінцы^[6]; паводле перапісу 2019 года — 636 чалавек^[7].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.