Еўрапейскі саюз эсперанта

Еўрапейскі саюз эсперанта (эспер.: Eŭropa Esperanto-Unio) яднае нацыянальныя асацыяцыі эсперанта дзяржаў ЕС, праводзіць кожныя два гады кангрэсы ў Марыборы, Славенія. У ліпені–жніўні 2007 года на кангрэсе было 256 дэлегатаў з 28 краін, у тым ліку два члены Еўрапарламента: Малгажата Гандзлік з Польшчы і Людміла Новак са Славеніі.

У снежні 2009 года Еўрапейскі саюз эсперанта надрукаваў поўна-старонкавую аб’яву ў французскай газеце «Монд», якая заклікала да выкарыстання мовы эсперанта замест англійскай^[1].

У 2011 годзе Прэзідэнтам Еўрапейскага саюза эсперанта быў Шон о Райн (Seán Ó Riain)^[2].

Кангрэсы

Да 2012 года кангрэс Еўрапейскага Саюзу эсперантыстаў (KEEU) па-за Славеніяй збіраўся 11 раз. Тэмай кангрэса 2012 года было «вывучэнне мовы ў ЕС».

N°	Дата	Горад	Краіна	Удзельнікі	Краіны
10	2014-07-06/12	Рыжэка	Харватыя	146^[3]	21^[3]
9	2012-07-16/20	Галіва	Ірландыя	157	28^[4]
8	2008-05-28/06-02	Herzberg am Harz	Германія	400^[5]	23
7	2007-07-28/08-04	Марыбор	Славенія	256	29
6	2004-08-25/29	Більбаа	Іспанія	284	24
5	2002	Верона	Італія
4	2000-04-27/05-01	Астэда	Бельгія	400
3	1997	Штутгарт	Германія
2	1995-06-02/06	Парыж	Францыя	> 400
1	1992	Верона	Італія

На кангрэсе 2011 года, што праходзіў у Капенгагене, былі прыняты наступныя рашэнні:

2012 год быў абвешчаны «Годам Цібара Сэкеля» да 100-годдзя з дня яго нараджэння.

Сэкель (Sekelj) быў не толькі бачным эсперантыстам, але і выключна паспяховым пісьменнікам, які напісаў больш за 20 кніг. Траціна яго кніг была напісана на эсперанта і перакладзена на многія мовы. Ён быў даследчыкам, географам, археолагам, этнографам, журналістам, рэжысёрам, вядомым эсперантыстам. Ён заснаваў каля дзесяці нацыянальных асацыяцый, галоўным чынам у Азіі і Паўднёвай Амерыцы.