Музей прыродазнаўства (Вена)

Музей прыродазнаўства
Музей прыродазнаўства
	Лагатып
Заснаваны	1889
Заснавальнік	Франц Іосіф I
Адкрыты	10 жніўня 1889
Месцазнаходжанне	Naturhistorisches Museum Wien; Burgring 7 ; A-1010 Wien
Наведвальнікі	564 512 чал.;
Памеры фонду	каля 30 000 000
Адрас	Museumsplatz 3
Праезд	трамвай D, J, 1, 2, 46, 49 прыпынак "Dr.-Karl-Renner Ring, Naturhistorisches Museum" ; метро U2, U3 прыпынак "Volkstheater/Museumsquartier"; аўтобус 2A прыпынак "Burgring", 48A прыпынак "Dr.-Karl-Renner-Ring"
Дырэктар	Bernd Lötsch
Білет	8 Еўра
	nhm-wien.ac.at (ням.) (англ.)
	Медыяфайлы на Вікісховішчы

Музей прыродазнаўства (ням.: Naturhistorisches Museum) у Вене з'яўляецца адным з найбуйнейшых музеяў Аўстрыі, а таксама адным з самых важных музеяў у свеце. Адкрыты ў 1889 г. адначасова з размешчаным насупраць яго Музеем гісторыі мастацтваў. Музей прыродазнаўства быў пабудаваны для размяшчэння ў ім вялізных калекцый прыродных экспанатаў Габсбургаў.

Знакамітыя і ўнікальныя экспанаты, такія як Венера Вілендорфская і шкілет дыпладока, а таксама вымерлыя 200 гадоў таму расліны і жывёлы, як, напрыклад, стэлерава карова, прадстаўлены ў 39 залах.

Гісторыя

Прыкладна ў 1750 годзе імператар Франц I Стэфан (муж Марыі Тэрэзіі) купіў найбуйнейшую ў той час калекцыю, якая налічвала каля 30 000 прыродных экспанатаў, сярод якіх былі рэдкія віды слімакоў, каралаў, ракавін, каштоўных камянёў і рэдкіх мінералаў.

З часам калекцыя стала настолькі вялікай, што ў памяшканнях Хофбурга не стала хапаць месца. У ходзе мерапрыемстваў па зносе бастыёна, які ўжо не адпавядаў духу таго часу, для пабудовы Рынгштрасэ ў 1857 годзе была запланавана таксама пабудова двух вялікіх музеяў. Абодва музея былі пабудаваныя згодна з планамі архітэктараў Готфрыда Земпера і барона Карла фон Хазэнаўэра. Будаўніцтва музея працягвалася з 1871 па 1889 г.