Надзея Рыгораўна Грэкава

Надзея Рыгораўна Грэкава
Міністр харчовай прамысловасці БССР 1947 — 1949
Кіраўнік урада	Панцеляймон Панамарэнка Аляксей Кляшчоў
Папярэднік	Самуіл Касцюк
Пераемнік	?
1-ы Старшыня Вярхоўнага Савета БССР 25 ліпеня 1938 — 12 сакавіка 1947
Папярэднік	пасада заснаваная
Пераемнік	Васіль Казлоў
3-ці сакратар ЦК КП(б)Б 25 ліпеня 1938 — 22 снежня 1940
Папярэднік	Марк Рэпінскі
Пераемнік	Рыгор Эйдзінаў
Нараджэнне	17 верасня 1910(1910-09-17) Мінск, Мінскі павет, Мінская губерня, Расійская імперыя
Смерць	6 студзеня 2001(2001-01-06) (90 гадоў) Масква, Расія
Месца пахавання	Новадзявочыя могілкі
Муж	Міхаіл Сяргеевіч Малінін
Партыя	ВКП(б)-КПСС з 1932 года
Адукацыя	Вышэйшая партыйная школа пры ЦК КПСС
Дзейнасць	камунізм[1] і палітыка[1]
Узнагароды
Медыяфайлы на Вікісховішчы

Надзе́я Рыго́раўна Грэ́кава (17 верасня 1910, Мінск — 6 студзеня 2001, Масква) — палітычны і дзяржаўны дзеяч БССР^[2].

Нарадзілася ў сям’і рабочага-чыгуначніка. З дванаццаці гадоў працавала на мінскай швейнай фабрыцы «Кастрычнік»^[2][3], была ўдарніцай сацыялістычнай працы другой пяцігодкі.

Актыўна займалася грамадскай дзейнасцю. У 1941 годзе скончыла Вышэйшую школу партарганізатараў пры ЦК ВКП(б)^[2][4]. Член ВКП(б) з 1932 года. З 1933 года на прафсаюзнай працы. З 1939 па 1952 год з’яўлялася членам Цэнтральнай Рэвізійнай Камісіі ВКП(б).

З 1937 года — загадчык аддзела, у 1938—1940 гадах — сакратар ЦК КПБ. У 1938 годзе Н. Р. Грэкава абрана на пост Старшыні Вярхоўнага Савета БССР (1938—1947)^[2]. У 1943—1946 гадах займала пасаду намесніка старшыні Савета Народных Камісараў БССР. Пазней працавала на пасадах міністра харчовай прамысловасці БССР (1949—1952), першага намесніка міністра харчовай прамысловасці РСФСР (1949—1952)^[2][5].

З 1953 года жыла ў Маскве.

Пахавана ў Маскве на Новадзявочых могілках^[6].

Муж — Міхаіл Сяргеевіч Малінін (1899—1960), генерал, Герой Савецкага Саюза.

Надзея Грэкава была ініцыятарам змены напісання галоўнага пралетарскага лозунга на гербе БССР. Аўген Калубовіч апісваў гэта наступным чынам:

— Ну а Грэкава? — зноў перапыніў яго Я. Колас. Відаць было, што ён спяшаўся. Грэкава, працягваў К. Гурскі, загадала ўнесці ў правапіс дзве зробленыя ёю «папраўкі» ў лозунг «Пролетарыі ўсіх краёў, злучайцеся!» Па-першае, слова «злучайцеся» замяніць на «еднайцеся», бо вось яна як сакратар ЦК часта падпісвае «дырэктывы» калгасам, што ўжо пара пачынаць «злучную кампанію для ската»; таму заклік «злучайцеся!» у дачыненні да пралетарыяту «неяк нядобра гучыць». Па-другое, у слове «яднайцеся» пачатнае «я», хоць і стаіць у першым складзе перад націскам, павінна пісацца праз «е», бо могуць быць выпадкі, тлумачыла Грэкава, калі слова гэтае пры пісьме ці друку трэба пераносіць і тады пры падзеле яго можа выйсці «яд-». Для палітычнага лозунга гэта недапушчальнае і ЦК партыі на гэта не можа згадзіцца. Я. Колас нічога не адказаў.^[7]

• Два ордэны Леніна
• Ордэн Айчыннай вайны першай ступені
• Ордэн Працоўнага Чырвонага Сцяга
• Ордэн «Знак Пашаны»
• медалі

• Іменем Н. Грэкавай названы парк у Мінску^[8], у якім усталяваны мемарыяльны знак^[9]. Кінастудыяй «Беларусьфільм» створаны дакументальны фільм «Два жыцця Надзеі Грэкавай» (2016).

• Филиппов С. Территориальные руководители ВКП(б) в 1934—1939 гг. Справочник. — Москва, РОССПЭН, 2016. (руск.)
• Грекова (Грек) Надежда Григорьевна // Справочник по истории Коммунистической партии и Советского Союза (1898—1991). (руск.)