Ніна Мікалаеўна Мазай

Ніна Мазай
Ніна Мазай
Намеснік міністра замежных спраў Рэспублікі Беларусь
	20 студзеня 1997 — 29 студзеня 1999
Прэзідэнт	Аляксандр Лукашэнка
Кіраўнік урада	Сяргей Лінг
Надзвычайны і Паўнамоцны Пасол Рэспублікі Беларусь у Францыі
	27 студзеня 1993 — 20 студзеня 1997
Прэзідэнт	Аляксандр Лукашэнка
Пераемнік	Уладзімір Сянько
Нараджэнне	9 сакавіка 1950; Чалюшчавічы, Чалюшчавіцкі сельсавет, Капаткевіцкі раён, Палеская вобласць, Беларуская ССР, СССР;
Смерць	26 чэрвеня 2019 (69 гадоў)
Партыя	КПСС;
Адукацыя	гістарычны факультэт БДУ; Акадэмія грамадскіх навук пры ЦК КПСС[d];
Навуковая ступень	кандыдат філасофскіх навук

Ні́на Мікала́еўна Маза́й (9 сакавіка 1950, вёска Чалюшчавічы Петрыкаўскага раёна Гомельскай вобласці — 26 чэрвеня 2019) — беларускі палітык і дыпламат.

Біяграфія

Нарадзілася 9 cакавіка 1950 года ў вёсцы Чалюшчавічы Петрыкаўскага раёна Гомельскай вобласці. Скончыла гістарычны факультэт Беларускага дзяржаўнага універсітэта імя У. І. Леніна, Акадэмію грамадскіх навук пры ЦК КПСС.

Працоўную дзейнасць пачала настаўнікам гісторыі і грамадазнаўства Ракітніцкай школы Жабінкаўскага раёна Брэсцкай вобласці. Працавала другім, першым сакратаром Жабінкаўскага райкама ЛКСМБ, сакратаром, першым сакратаром Брэсцкага абкама ЛКСМБ, першым сакратаром Цэнтральнага камітэта ЛКСМБ, Намеснікам Старшыні Савета Міністраў БССР^[2].

У 1988 г. Ніна Мазай узначальвала Дзяржаўную камісію па расследванні злачынстваў у Курапатах^[3].

27 снежня 1991 года была прызначана Пастаянным прадстаўніком Рэспублікі Беларусь пры ЮНЕСКА ^[4]. 27 студзеня 1993 года была дадаткова прызначана Надзвычайным і Паўнамоцным Паслом Рэспублікі Беларусь у Францыі ^[5], 3 снежня 1994 года стала таксама паслом у Іспаніі і Партугаліі па сумяшчальніцтве ^[6]. З усіх гэтых пасад была адстаўлена 20 студзеня 1997 года, калі была прызначана намеснікам міністра замежных спраў ^[7]. З пасады намесніка міністра была адстаўлена 29 студзеня 1999 года ^[8].

8 мая 2001 года стала паслом у Канадзе ^[9], якім заставала да 3 студзеня 2008 года ^[10].

Абіралася дэпутатам Вярхоўнага Савета Беларускай ССР адзінаццатага склікання.

Старшыня Камісіі Парламенцкага Сходу Саюза Беларусі і Расіі па пытаннях знешняй палітыкі, член Пастаяннай камісіі Парламенцкай Асамблеі Арганізацыі Дагавора аб калектыўнай бяспецы па палітычных пытаннях і міжнародным супрацоўніцтве, кіраўнік дэлегацыі Нацыянальнага сходу Рэспублікі Беларусь па ажыццяўленні кантактаў з Парламенцкай асамблеяй НАТА, намеснік кіраўніка дэлегацыі Нацыянальнага сходу Рэспублікі Беларусь у Парламенцкай асамблеі Арганізацыі па бяспецы і супрацоўніцтве ў Еўропе.