Уладзімір Лявонавіч Сянько

Уладзімір Лявонавіч Сянько
Уладзімір Лявонавіч Сянько
	28 ліпеня 1994 — 13 студзеня 1997
Прэзідэнт	Аляксандр Рыгоравіч Лукашэнка
Кіраўнік урада	Міхаіл Мікалаевіч Чыгір, ; Сяргей Сцяпанавіч Лінг
Папярэднік	Пётр Кузьміч Краўчанка
Пераемнік	Іван Іванавіч Антановіч
Нараджэнне	5 жніўня 1946 (78 гадоў); Вішкавічы, Альшанскі сельсавет, Чашніцкі раён, Віцебская вобласць, БССР, СССР;
Партыя	КПСС;
Адукацыя	Маскоўскі дзяржаўны інстытут міжнародных адносін; Дыпламатычная акадэмія МЗС Расіі[d];
Прафесія	дыпламат
Дзейнасць	дыпламат, дзяржаўны дзеяч
Месца працы	Міністэрства замежных спраў СССР; Міністэрства замежных спраў Рэспублікі Беларусь;
Узнагароды	Ганаровая грамата Савета Міністраў Рэспублікі Беларусь (3 красавіка 2006)

Уладзімір Лявонавiч Сянько (нар. 5 жніўня 1946, в Вішкавічы, Чашніцкі раён, Віцебская вобласць) — беларускі палітык і дыпламат.

Біяграфія

Нарадзіўся 5 жніўня 1946 года ў вёсцы Вішкавічы Чашніцкага раёна Віцебскай вобласці. Скончыў Маскоўскі дзяржаўны інстытут міжнародных адносін, Дыпламатычную акадэмію ў Маскве.

Займаў розныя дыпламатычныя пасады ў апараце Міністэрства замежных спраў СССР.

З 1991 да 15 ліпеня 1992 года быў намеснікам Міністра замежных спраў Беларусі^[2]. 3 чэрвеня 1992 года прызначаны Надзвычайным і Паўнамоцным Паслом Рэспублікі Беларусь у Польшчы^[3], адстаўлены 25 сакавіка 1994 года і адначасова прызначаны Надзвычайным і Паўнамоцным Паслом Рэспублікі Беларусь у Аб’яднаным Каралеўстве Вялікабрытаніі і Паўночнай Ірландыі^[4]. 8 чэрвеня 1994 года стаў таксама паслом у Рэспубліцы Ірландыя і Даніі па сумяшчальніцтве^[5].

З 28 ліпеня 1994 да 13 студзеня 1997 года быў Міністрам замежных спраў^[6]^[7]. 17 лютага 1997 года прызначаны Надзвычайным і Паўнамоцным Паслом Рэспублікі Беларусь у Францыі, Іспаніі і Партугаліі, а таксама Пастаянным прадстаўнікам Рэспублікі Беларусь пры ЮНЕСКА па сумяшчальніцтве^[8]. На гэтых пасадах быў да 7 красавіка 2004 года, калі быў прызначаны паслом у Бельгіі, Пастаянным прадстаўнікам Рэспублікі Беларусь пры Камісіі Еўрапейскіх супольнасцяў і Пастаянным прадстаўнікам Рэспублікі Беларусь пры Арганізацыі Паўночнаатлантычнага дагавора^[9].

З 2012 па 2016 гады — член Савета Рэспублікі Нацыянальнага сходу Рэспублікі Беларусь. Старшыня Пастаяннай камісіі Савета Рэспублікі па міжнародных справах і нацыянальнай бяспецы^[10].

Жанаты, мае двое сыноў.

Сянько́ Уладзімір Лявонавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 352. — 10 000 экз. — ISBN 985-11-0035-8. — ISBN 985-11-0251-2 (т. 15).
Сянько́ Уладзімір Лявонавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 439. — 10 000 экз. — ISBN 985-11-0214-8.