Павел Сяргеевіч Касцюкевіч

Павел Сяргеевіч Касцюкевіч
Асабістыя звесткі
Дата нараджэння	24 мая 1979(1979-05-24) (46 гадоў)
Месца нараджэння	Мінск, БССР, СССР
Грамадзянства	Ізраіль
Жонка	Марыйка Мартысевіч
Месца працы	Наша Ніва Логвінаў
Прафесійная дзейнасць
Род дзейнасці	перакладчык, пісьменнік, журналіст
Мова твораў	беларуская
Прэміі	Літаратурная прэмія імя Ежы Гедройца (2012) «Празрысты ЭОЛ» (2019)
Медыяфайлы на Вікісховішчы

Павал Касцюкевіч, Павел Сяргеевіч Касцюкевіч (нар. 24 мая 1979, Мінск) — беларускі пісьменнік, перакладчык сучаснай ізраільскай і амерыканскай прозы^[1]. Піша на беларускай мове.

Каля 10 гадоў жыў у Ізраілі, скончыў псіхалагічна-сацыялагічны факультэт Тэль-Авіўскага Акадэмічнага каледжа, таксама вывучаў рэкламную справу^[2]. У 2008 годзе вярнуўся ў Мінск^[1]. З 2011 г. — арт-дырэктар кнігарні «Ў». У 2011 годзе ажаніўся з Марыяй Мартысевіч, мае сыноў Сымона і Лявона^[3].

У сакавіку 2012 года стаў першым лаўрэатам Прэміі імя Ежы Гедройца за кнігу «Зборная РБ па негалоўных відах спорту»^[4]. У 2019 годзе — адзін з лаўрэатаў прэміі «Празрысты ЭОЛ» за пераклад з іўрыта шэрагу апавяданняў Узі Вайля^[3].

Аўтар кніг апавяданняў і аповесцяў, рамана «План Бабарозы»^[5]. Пераклаў на беларускую паасобныя творы У. Вайля^[6], К. Вонегута, Э. Керэта^[7], Э. Кішона^[8], Э. Манро^[9], М. Шалева, вядомую ізраільскую песню «Залаты Іерусалім»^[10] і інш.^[11].

Адзін з аўтараў альманаха «Беларус-2008».

• На Вікісховішчы ёсць медыяфайлы па тэме Павел Сяргеевіч Касцюкевіч