Рыгор Ігаравіч Марцьянаў

Рыгор Марцьянаў
Поўнае імя	Рыгор Ігаравіч Марцьянаў
Нарадзіўся	22 жніўня 2002(2002-08-22)[1] (22 гады) Мінск, Беларусь[1]
Грамадзянства	Беларусь
Рост	180 см[2]
Вага	63 кг[3]
Пазіцыя	абаронца
Інфармацыя пра клуб
Клуб	Слуцк
Нумар	20
Клубная кар’ера[* 1]
2019 Мінск 0 (0) 2020—2022 БАТЭ (Барысаў) 0 (0) 2022 →  Тарпеда-БелАЗ (Жодзіна) 4 (0) 2022— Тарпеда-БелАЗ (Жодзіна) 2 (0) 2023 →  Дняпро (Магілёў) 18 (1) 2024 →  Тарпеда-БелАЗ-2 (Жодзіна) 10 (0) 2024— →  Слуцк
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 жніўня 2024.

Рыгор Марцьянаў (нар. 22 жніўня 2002, Мінск) — беларускі футбаліст, абаронца клуба «Слуцк» (у арэндзе з жодзінскага «Тарпеда-БелАЗ»).

У 2019 годзе выступаў за дубль «Мінска», а ў 2020 годзе перабраўся ў барысаўскі БАТЭ, дзе таксама выступаў за рэзервовую каманду. У 2021 годзе пачаў прыцягвацца і да асноўнай каманды барысаўчан, дэбютаваў за БАТЭ 22 чэрвеня 2021 года, адгуляўшы ўсе 90 хвілін у матчы Кубка Беларусі супраць «Баранавічаў» (6:1).

У пачатку 2022 года стаў трэніравацца з жодзінскім «Тарпеда-БелАЗ», які ў лютым арандаваў абаронцу^[4]. 3 красавіка 2022 года дэбютаваў у Вышэйшай лізе, выйшаўшы на замену ў другім тайме матча з «Энергетыкам-БДУ» (1:3). У трох наступных матчах выхадзіў у стартавым складзе, пасля трапіў на лаўку запасных. У чэрвені 2022 года, пакінуўшы БАТЭ, стаў іграком жодзінскага клуба на рэгулярнай аснове.

У 2023 годзе згуляў за «Тарпеда-БелАЗ» у адным матчы, астатні час заставаўся на лаўцы запасных. У ліпені 2023 года на правах арэнды далучыўся да магілёўскага «Дняпра»^[5]. У снежні 2023 года па заканчэнні арэнды вярнуўся ў «Тарпеда-БелАЗ»^[6]. Да сезона 2024 стаў рыхтавацца з жодзінскім клубам. У першай палове 2024 года выступаў за фарм-клуб «Тарпеда-БелАЗ-2» у Першай лізе, а ў ліпені 2024 года быў арандаваны «Слуцкам»^[7].

• Уладальнік Суперкубка Беларусі: 2024