Ілья Васілевіч Бранавец

Ілья Бранавец
Агульная інфармацыя
Поўнае імя	Ілья Васілевіч Бранавец
Нарадзіўся	16 красавіка 1990(1990-04-16)[1] (35 гадоў) Слуцк, Слуцкі раён, Мінская вобласць, Беларуская ССР, СССР[2]
Грамадзянства	Беларусь
Рост	188 см[2]
Вага	90 кг[2]
Пазіцыя	брамнік
Інфармацыя пра клуб
Клуб	Слуцк
Нумар	30
Клубная кар’ера[* 1]
2008—2022 Слуцк 106 (-135) 2014 →  Хваля (Пінск) 9 (-17) 2024— Слуцк
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 лютага 2024.

Ілья Бранавец (нар. 16 красавіка 1990, Слуцк) — беларускі футбаліст, брамнік клуба «Слуцк».

З 2008 года пачаў выступаць за клуб «Слуцкцукар» (пазней «Слуцк») у Другой лізе і прайшоў з ім шлях да Вышэйшай лігі. Спачатку быў адным з асноўных брамнікаў, потым стаў другім і трэцім брамнікам.

З 2014 года, пасля выхаду слуцкай каманды ў Вышэйшую лігу, стаў выступаць за дубль. У верасні 2014 года да канца сезона быў аддадзены ў арэнду ў пінскую «Хвалю»^[3], дзе быў асноўным брамнікам, аднак не здолеў выратаваць каманду ад вылету ў Другую лігу.

У 2015 годзе вярнуўся ў «Слуцк» і зноў стаў гуляць за дубль. У 2016 годзе ў сувязі з траўмамі асноўных брамнікаў Артура Лясько і Канстанціна Рудзянка правёў пяць матчаў у Вышэйшай лізе, пасля чаго зноў стаў выступаць за дубль. У верасні 2018 года згуляў яшчэ ў трох матчах у Вышэйшай лізе. У снежні 2018 года падоўжыў кантракт са «Слуцкам»^[4]. У сезоне 2019, як і ў папярэдніх, быў другім брамнікам пасля Барыса Панкратава, але пры гэтым стаў часцей прыцягвацца да стартавага складу. У снежні 2019 года падпісаў новае пагадненне са слуцкім клубам^[5]. Заставаўся другім брамнікам у 2020 годзе, у канцы сезона выхадзіў у стартавым складзе. У студзені 2021 года стала вядома, што Бранавец застаецца ў слуцкай камандзе^[6].

У пачатку сезона 2021 чаргаваўся ў аснове з Дзмітрыем Харытонавым, з лета саступіў месца ў складзе Арцёму Гамялько, з кастрычніка 2021 года вярнуўся ў стартавы склад. У студзені 2022 года падоўжыў кантракт са «Слуцкам»^[7]. У сезоне 2022 быў асноўным брамнікам каманды.

У пачатку 2023 года з-за забароны Міністэрства спорту і турызму не трапіў у заяўку «Слуцка» на сезон і не ўдзельнічаў у афіцыйных матчах. У студзені 2024 года афіцыйна быў дапушчаны да прафесійнай дзейнасці спартсмена ў Беларусі камісіяй пры Генпракуратуры^[8], пасля чаго ў лютым падпісаў новы кантракт з клубам^[9].

• Пераможца Першай лігі чэмпіянату Беларусі: 2013

Сезон	Дывізіён	Клуб	Краіна	Матчы	Галы
2008	Д3	Слуцкцукар		16	−19
2009	Д3	Слуцкцукар		10	−10
2010	Д3	Слуцкцукар		1	−0
2011	Д2	Слуцк		5	−5
2012	Д2	Слуцк		2	−0
2013	Д2	Слуцк		2	−1
2014 (1)	дубль	Слуцк		17	−19
2014 (2)	Д2	Хваля		9	−17
2015	дубль	Слуцк		18	−62
2016	Д1	Слуцк		5	−10
2017	дубль	Слуцк		27	−58
2018	Д1	Слуцк		3	−3
2019	Д1	Слуцк		11	−18
2020	Д1	Слуцк		9	−16
2021	Д1	Слуцк		12	−12
2022	Д1	Слуцк		30	−41

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[10].