Савецкая (Гарадоцкі раён)

Савецкая
Краіна	Беларусь
Вобласць	Віцебская
Раён	Гарадоцкі
Сельсавет	Мяжанскі
Каардынаты	55°40′17″ пн. ш. 30°33′41″ у. д.HGЯO
Насельніцтва	▼3 чал. (2009);
Часавы пояс	UTC+3
Тэлефонны код	+375 2139
Аўтамабільны код	2
СААТА	2218862073

Саве́цкая^[1], гістарычная назва Кукава^[2] (трансліт.: Savieckaja, руск.: Советская) — вёска ў Гарадоцкім раёне Віцебскай вобласці. Уваходзіць у склад Мяжанскага сельсавета. За 29 км на паўночны ўсход ад горада і чыгуначнай станцыі Гарадок на лініі Віцебск — Невель, 67 км ад Віцебска.

Гісторыя

У канцы 18 стагоддзя сяльцо ў Суражскім павеце Полацкай губерні. З 1802 года ў Суражскім павеце Віцебскай губерні. У 1834 годзе ў фальварку Лешкава памешчыка адстаўнога палкоўніка Я.Глінкі. З 1866 года ў Гарадоцкім павеце. У канцы 19 -пачатку 20 стагоддзя ў Зайкаўскай воласці Гарадоцкага павета, у складзе Сцяпанавіцкай сельскай грамады і Зайкаўскага праваслаўнага прыхода. У 1905 годзе 2 населеныя пункты: сяло Кукава, 8 двароў, 71 жыхар, 144 дзесяцін зямлі, і вёска Кукава, 19 двароў, 126 жыхароў, 288 дзесяцін зямлі. У 1920 годзе ў сяле Кукава 14 двароў, 180 жыхароў, і ў вёсцы Старое Кукава 26 двароў, 143 жыхары. З 15 сакавіка 1923 года ў Віцебскім павеце. У сакавіку 1924 года вернута ў склад БССР. У 1924-25 гадах працавала школа 1-й ступені (1 настаўнік, 48 вучняў), пункт ліквідацыі непісьменнасці. З 20 жніўня 1924 года ў Полаўскім сельсавеце Мяжанскага, з 8 ліпеня 1931 года Суражскага раёна Віцебскай акругі (да 26 ліпеня 1930 года). З 20 лютага 1938 года ў Віцебскай вобласці. У 1926 годзе ў вёсцы Старое Кукава 33 двары, 174 жыхары і ў вёсцы Новае Кукава, 15 двароў, 86 жыхароў, кузня. У Другую сусветную вайну з франтоў не вярнуліся 18 жыхароў. З 16 ліпеня 1954 года ў Хмяльніцкім сельсавеце. У 1970 годзе ў саўгасе «Хмяльніцкі». З 20 студзеня 1960 года ў Езярышчанскім, з 25 снежня 1962 года ў Гарадоцкім раёне. Да 2004 года ўваходзіла ў склад Хмяльніцкага сельсавета^[3].