Чарныя

Чарныя
Краіна	Беларусь
Вобласць	Віцебская
Раён	Гарадоцкі
Сельсавет	Мяжанскі
Каардынаты	55°39′38″ пн. ш. 30°14′23″ у. д.HGЯO
Насельніцтва	▼3 чал. (2009);
Часавы пояс	UTC+3
Тэлефонны код	+375 2139
Аўтамабільны код	2
СААТА	2218862081

Чарны́я^[1] (трансліт.: Čarnyja, руск.: Черные) — вёска ў Гарадоцкім раёне Віцебскай вобласці. Уваходзіць у склад Мяжанскага сельсавета. За 28 км на паўночны ўсход ад горада і чыгуначнай станцыі Гарадок на лініі Віцебск — Невель, 63 км ад Віцебска. Рэльеф раўнінны. На паўднёвым усходзе ляжыць лясны масіў. Транспартныя сувязі па аўтадарозе Гарадок — Мяжа, якая праходзіць побач з вёскай.

Гісторыя

З 1802 года вёска ў Суражскім павеце Віцебскай губерні, у маёнтку Прыбыткова. У 1846 годзе ўладанне памешчыка Яўневіча. У канцы 19 — пачатку 20 стагоддзяў вёска ў Вышадскай воласці Гарадоцкага павета Віцебскай губерні. У 1905 годзе 106 дзесяцін зямлі. З 15 лютага 1923 года ў Віцебскім павеце. У сакавіку 1924 года вернута ў БССР. З 20 жніўня 1924 года ў Паташнянскім сельсавеце Мяжанскага раёна Віцебскай акругі (да 26 ліпеня 1930 года). З 8 ліпеня 1931 года ў Гарадоцкім раёне. У 1933 годзе дзейнічаў калгас «Ударнік», былі кузня і млын. З 12 лютага 1935 года ў Мехаўскім раёне. З 20 лютага 1938 года ў Віцебскай вобласці. У Другую сусветную вайну з франтоў не вярнуліся 9 жыхароў. З 16 ліпеня 1954 года ў Мяжанскім сельсавеце. З 18 сакавіка 1958 года ў Езярышчанскім, з 25 снежня 1962 года ў Гарадоцкім раёне. У 1970 годзе ў саўгасе імя А. Я. Казлова. У 2012 годзе ў складзе КУСП «Сцяпанавічы».

Насельніцтва

8 двароў, 42 рэвізскія душы (1846)
18 двароў, 113 жыхароў (1905)
26 двароў, 125 жыхароў (1920)
38 двароў, 128 жыхароў (1926)
67 жыхароў (1959)
35 жыхароў (1970)
10 гаспадарак, 15 жыхароў (2000)
1 гаспадарка, 1 жыхар (2018)

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).