Сталіца (радыё)

Сталіца
Сталіца
	Дырэкцыя радыёстанцыі "Сталіца" Беларускага радыё
Горад	Мінск
Краіна	Беларусь (з 21 верасня 1998)
Слоган	«Слухай любімае!»
Частата	105.1 FM, 72.89 УКХ (у Мінску); 72.47 УКХ (у Брэсце); 72.26 УКХ (у Віцебску); 66.20 УКХ (у Гомелі); 68.90 УКХ (у Гродне); 71.18 УКХ (у Магілёве)
Замяніў	«Аўтарадыё»
Уладальнік	НДТРК РБ
Кіраўнікі	Алег Міхалевіч — дырэктар
Сайт	radiostalica.by

Радыё «Сталіца» — структурнае падраздзяленне Нацыянальнай дзяржаўнай тэлерадыёкампаніі Рэспублікі Беларусь^[2]. Утворана 21 верасня 1998.

Дзяржаўная беларускамоўная FM-радыёстанцыя. Штодзённа Радыё «Сталіца» выходзіць на ўльтракароткіх хвалях, рэтранслюецца перадатчыкамі і радыёвузламі абласцей. У рэжыме рэальнага часу ідзе трансляцыя ў інтэрнэце. З 15 красавіка 2012 года распачата вяшчанне на 105,1 FM, частаце, на якой працавала «Аўтарадыё», якую пазбавілі ліцэнзіі, у Мінску і Мінскім раёне^[1].

Кожны будні дзень з 18.00 да 19.00 інфармацыйна-аналітычная праграма «Сёння і заўтра» выходзіць на хвалях Першага Нацыянальнага канала Беларускага радыё. У музычным фармаце прыярытэт аддаецца беларускай музыцы, жанравае напаўненне — пераважна рок-музыка. Па пятніцах выходзіць хіт-парад «Сталіца топ-10», у праграмах «З месца падзей», «Ультрамузыка» і «Аднойчы з песняй» робіцца агляд музычных падзей Беларусі, выхад новых альбомаў, сінглаў беларускіх выканаўцаў.

З студзеня 2013 года плануецца пераход на кругласутачнае вяшчанне.

17 жніўня 2020 года супрацоўнікі радыё падтрымалі забастоўку, пра што паведамілі на сваёй старонцы ў Facebook. 18 жніўня кіраўніцтва прапанавала працягнуць працу, але не паведамляць навіны пра палітыку. Пасля гэтага большая частка калектыву напісала заявы аб сыходзе^[3]. 26 жніўня дырэктар радыё Алег Міхалевіч падтрымаў свой калектыў і забраў працоўную кніжку^[4].